+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

СҚО-да төрт күн ішінде интернет алаяқтыққа қатысты 13 қылмыс ашылды

2020 жылғы 22 ақпан 09:35
Бөлісіңіз:
СҚО-да төрт күн ішінде интернет алаяқтыққа қатысты 13 қылмыс ашылды

ПЕТРОПАВЛ. ҚазАқпарат – Солтүстік Қазақстан облысында тәртіп сақшылары төрт күнге шақталған жедел-профилактикалық іс-шараны қорытындылады, деп хабарлайды ҚазАқпарат тілшісі.

СҚО Полиция департаменті баспасөз қызметінің мәліметінше, өңір полицейлері Алматыға іссапар барысында екі іс бойынша күдіктілерді ұстады.

Қылмыстың бірі өткен жылы жасалған. Облыс тұрғыны Instagram арқылы спорт жарысның бірінде кім жеңетіндігі жөнінде «нақты болжам» алмақ болып, белгісіз біреуге 75 мың теңге аударған. Ақша түсісімен-ақ ол хабарландыруды жойып, ұялы телефонын өшіріп тастаған. Осы қылмысты жасады деген күдікпен 25 жастағы алматылық бойжеткен ұсталды. Алматының тағы бір 39 жастағы тұрғыны «Mercedes» автокөлігін сатамын» деп хабарландыру беріп, петропавлдықтың 500 мың теңгесін иемденіп кеткен. Қазір екі күдіктінің басқа да қылмыстарға қатыстылығы тексеріліп жатыр. Олар жәбірленушілердің ақшасын қайтарды.

«Интернет алаяқтарды ұстау үшін көп жағдайда еліміздің өзге өңірлеріне іссапарға шығамыз. Интернеттегі хабарландыруға, әсіресе сатушы алдын ала төлем сұраса сақтықпен қарау керек. Сондай-ақ жеке басқа тиесілі мәліметпен бөліспеген жөн. Ешкімге құжаттың суретін жібермеуге кеңес береміз. Алаяқтар бұл мәліметтерді пайдаланып, сіздің атыңызға несие ресімдеуі немесе есепшоттағы ақшаңызды жымқыруы мүмкін», - дейді СҚО ПД Криминалды полиция басқармасының бастығы Петр Климов.

Тәртіп сақшылары ұялы телефонды қараусыз қалдырмауды ескертеді. Тимирязев ауданының тұрғыны телефонын ақтарып отырып, BeeLine сервисіндегі оның жеке кабинетіне sms-хабарламамен келген код арқылы біреудің кіргенін байқаған. Бірден полицияға хабарласқан. Тәртіп сақшылары тергеу барысында күдіктіні анықтады. 33 жастағы ауылдасы осылайша құрбысының қайда, кімдерге телефон соғатынын тексермек болыпты.

Жедел-алдын алу операциясы өткен төрт күннің ішінде полицейлер бұған дейін жасалған алаяқтыққа қатысты 13 қылмысты ашты.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT