+7 (701) 759 90 19
USD 423.95 EUR 495.81
RUB 5.84 CNY 65.6
Jańalyqtar

СҚО-да тексеру жүргізілген 40 жолдың 17-нің сапасы талапқа сай емес

2021 жылғы 29 шілде 12:16
Бөлісіңіз:
СҚО-да тексеру жүргізілген 40 жолдың 17-нің сапасы талапқа сай емес

ПЕТРОПАВЛ. ҚазАқпарат – Солтүстік Қазақстан облысында жолдардың жағдайына қатысты әкімдік отырысы өтті.

Ұқсас жаңалықтар
СҚО-да көлік жүргізушісі жолда отар қойды соғып, 14 мал өлді СҚО-да мониторингтік топтар мыңнан астам нысанды тексеріп, 20 адамды жазалады Биыл елімізде құны 1,23 трлн теңге болатын 128 жоба іске қосылады - Бейбіт Атамқұлов

Биыл өңірде жолдың сапасын анықтауға қатысты 40 сынама алынса, соның 17-сі талапқа сай болмай шыққан, деп хабарлайды ҚазАқпарат тілшісі.

Жол активтері ұлттық сапа орталығының СҚО филиалы директорының орынбасары Арман Қайырбековтің айтуынша, орталық былтыр облыстық автомобиль жолдары басқармасымен 28 нысанға, 6 аудан мен 18 нысанға сараптама жүргізуге келісімге отырып, нәтижесінде барлық салынған жолдардың 56 %-ының сапасын бақылауға алды.

«Былтыр салынған жолдарға ішінара 206 рет шықтық. Төселген материалдардың 343 сынамасын алдық. Асфальтбетон бойынша 35 сынама талапқа сай болмай шықты. Бұдан басқа 305 олқылықты таптық.

Тексеру қорытындысы бойынша ұйғарым жасалып, мердігер компаниялар 13,3 мың шаршы метр аумақтың жол төсемін ауыстырды. Осы мақсатқа 28,6 млн теңге жұмсалды», - дейді Арман Қайырбеков.

Өз ісіне жауапсыз қараған екі заңды тұлға – мердігер мен техникалық қадағалау 1,7 млн теңгеге әкімшілік жауапқа тартылды.

«Орталық биыла облыстық басқармамен 18,9 млн теңгеге келісімге отырды. Аудандар жол сапасын тексертуге асығар емес. Нәтижесінде барлық салынатын жолдардың 12 %-ына ғана сапа сараптамасын жасайды. Бұл республикадағы ең төменгі көрсеткіш.

Жалпы жыл басынан біздің орталық облыстық маңызы бар жолдарға 13 рет шықты. Нәтижесінде 40 сынама алды. Оның 17-сінде сынама талапқа сай болған жоқ. Екі ескерту жасалды. Елді мекен көшелерінен 9 сынама алынды, соның біреуі бойынша ескерту болды», - дейді Арман Қайырбеков.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанат Қапалбаева
Жанат Қапалбаева
954-059

MURAǴAT