+7 (701) 759 90 19
USD 377.09 EUR 407.37
RUB 5.93 CNY 53.95
Jańalyqtar

СҚО-да талапты бұзған 12 мектеп түлегі ҰБТ-дан шығарылды

2020 жылғы 20 қаңтар 16:24
Бөлісіңіз:
СҚО-да талапты бұзған 12 мектеп түлегі ҰБТ-дан шығарылды

ПЕТРОПАВЛ. ҚазАқпарат – Солтүстік Қазақстан облысында Ұлттық бірыңғай тестілеудің алғашқы кезеңіне мыңнан астам түлек қатысса, соның 12-сі өздерімен бірге сынаққа рұқсат етілмеген зат кіргізгені үшін залдан шығарылды, деп хабарлайды ҚазАқпарат тілшісі.

Ұқсас жаңалықтар
Елордада екінші ауысымдағы мектеп оқушылары мен колледж студенттеріне сабақ болмайды Елордада бірінші ауысымдағы мектеп оқушыларына сабақ болмайды Президент тапсырмасы: Қарағандыда латын әліпбиінің жаңартылған нұсқасы талқыланды

СҚО-да Ұлттық бірыңғай тестілеудің бірінші кезеңі 17-19 қаңтар аралығында өтті. Бұған дейін хабарлағанымыздай, тестілеуге қатысуға 1409 адам тілек білдірген еді.

СҚО Сыбайлас жемқорлыққа қарсы қызметтің мәліметінше, өңірде биыл 3276 түлек мектеп бітірсе, олардың 2080-ні, яғни 63% ҰБТ-ға қатысуға өтініш берген.

ҰБТ-ның бірінші кезеңі облыста 5 жерде: М.Қозыбаев атындағы СҚМУ-де, Ақжар ауданының Талшық елді мекенінде, Жамбыл ауданының орталығы Пресновкада, Ғ.Мүсірепов ауданының Новоишимка елді мекені мен Айыртау ауданының орталығы Саумалкөлде өтті.

Сынақ талапқа сай өтуі үшін ҚР Білім және ғылым министрлігінің бұйрығына сәйкес «Қызылжар-адалдық алаңы» жобалық кеңсесінің және сыбайлас жемқорлыққа қарсы ведомствоның қызметкерлері, арнайы мониторингтік топтың мүшелері бақылады.

«ҰБТ тапсыру кезінде талапты бұзған 12 адам залдан шығарылды. Ауырып қалуына байланысты 4 адам тестілеуден өтпеді. ҰБТ-дан негізінен смартфондарды қолданғандары үшін шығарылды. Тест тапсыру орындарында бейнекамералар жұмыс істеді», - дейді ҚР Сыбайлас жемқорлыққа қарсы іс-қимыл агенттігі СҚО бойынша департаментінің қызметкерлері.

ҰБТ әділ өтуі үшін залдар бейнекамералармен жабдықталған. Сол себепті Сыбайлас жемқорлыққа қарсы қызмет мамандары түлектерді тест тапсыру үшін ұялы телефон, шпаргалка кіргізудің бос әурешілік екенін ескертеді.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT