+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

СҚО-да сыбайлас жемқорлыққа қарсы қызмет 208 млрд теңгеден асатын инвестжобаларды қорғауға алған

2021 жылғы 24 қыркүйек 16:09
Бөлісіңіз:
СҚО-да сыбайлас жемқорлыққа қарсы қызмет 208 млрд теңгеден асатын инвестжобаларды қорғауға алған

ПЕТРОПАВЛ. ҚазАқпарат – Солтүстік Қазақстан облысында сыбайлас жемқорлыққа қарсы қызмет бизнес пен инвестицияларды қорғау жобасы аясында жалпы сомасы 208 млрд теңгеден асатын 37 келісімге отырған, деп хабарлайды ҚазАқпарат тілшісі.

Ұқсас жаңалықтар
СҚО-да екі аптада коронавирусты жұқтыру көрсеткіші 1,7 есе артты СҚО-да шектеулер тағы да қатаңдатылды Білім саласының 270 қызметкері жемқорлыққа жол бергені үшін жазаланды - Марат Ахметжанов

ҚР Сыбайлас жемқорлыққа қарсы іс-қимыл агенттігінің СҚО бойынша департаментінің басшысы Жарқын Ғалымовтың айтуынша, елімізде үш жыл бұрын «Protecting business and investments» жобасы қолға алынды.

Жобаны жүзеге асыру барысында өңірде инвесторлармен сыбайлас жемқорлыққа қарсы сүйемелдеу туралы 37 келісім жасалды. Жалпы сомасы 208 млрд теңгеден асады. Жылдың басынан бастап сыбайлас жемқорлыққа қарсы қызмет жергілікті және шетелдік инвесторлармен 22,9 млрд теңгеге 10 келісімге отырған.

«Инвесторлардың мәселесін заңды түрде шешуге тырысамыз. Мәселен «Protecting business and investments» жобасына қатысушылардың бірі жобалау кеңсесіне келіп, Түркияға 111 мың инкубациялық жұмыртқаны қайтаруға жол бермеуге көмек көрсетуді сұрады. Мәселені егжей-тегжейлі зерделеу кезінде бұған кәсіпкердің техникалық қателік жібергені және уәкілетті органда өтінімді қарау мерзімінің ұзартылғаны себеп болғандығы анықталды. Мен бұл мәселені орталық мемлекеттік органда көтердім. Нәтижесінде жұмыртқа партиясын қайтармай, оны құс шаруашылығында пайдалануға шешім шығарылды», - дейді Жарқын Ғалымов.

Бизнес пен инвестицияларды қорғау жөніндегі жоба кәсіпкерлерді мемлекеттік органдар тарапынан заңсыз араласудан қорғауға бағытталған, алдын алу шаралары нәтиже бермеген жағдайда қылмыстық қудалау шаралары қолданылады.

«Кәсіпкерден жолаушылар тасымалына рұқсат бергені үшін пара алған Көлік комитетінің бас сарапшысы 30 млн теңге көлемінде айыппұл төледі.

Мен және менің орынбасарларым күн сайын азаматтарды қабылдаймыз. Бизнеске қатысты мәселелер әрдайым бірінші орында, бұл - әкімшілік кедергілер, мемлекеттік қызметшілер тарапынан міндеттерді асыра пайдалану және тиісінше орындамау. Көбінесе мәселені егжей-тегжейлі қарау кезінде уәкілетті органның кәсіпкердің көңілінен шықпайтын дұрыс шешім қабылдағаны белгілі болады. Мұндайда түсіндіру жұмыстарын жүргіземіз», - дейді сыбайлас жемқорлыққа қарсы қызметтің басшысы Жарқын Ғалымов.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT