12:51, 16 Маусым 2018 | GMT +6
СҚО-да суға батып кеткен 7 жасар баланың денесі табылды
ПЕТРОПАВЛ. ҚазАқпарат - Солтүстікқазақстандық құтқарушылар Есіл өзенінен 7 жасар баланың денесін тапты, деп хабарлайды ҚазАқпарат тілшісі.
Төтенше жағдайлар департаменті баспасөз қызметінің мәлімдеуінше, бүгін таңғы 7:15-те Есіл өзенінен, Қызылжар ауданы Новоникольск ауылынан 10 км қашықтықта суға батып кеткен баланың денесі табылған.
Бала 9 маусымда көз жұмған. Ол Новоникольск ауылының маңындағы көпірден абайсызда өзенге құлап кеткен. Содан бері құтқарушылар, полиция және жергілікті тұрғындар мәйітті іздеуін тоқтатқан жоқ.