+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

СҚО-да сот хирург-дәрігерге берілген сөгісті жойды

2021 жылғы 20 қыркүйек 21:00
Бөлісіңіз:
СҚО-да сот хирург-дәрігерге берілген сөгісті жойды

ПЕТРОПАВЛ. ҚазАқпарат – Солтүстік Қазақстан облыстық соттың азаматтық істер жөніндегі алқасы медициналық мекеме басшысының орынбасары, хирург-дәрігердің құқығын қалпына келтірді, деп хабарлайды ҚазАқпарат тілшісі.

Ұқсас жаңалықтар
Болат Тайбеков: Шұғыл медициналық көмек - 70% өлім жағдайының алдын алады 8 өңірде мүгедектігі бар балаларды оңалту орталықтары ашылады Эпиджағдай нашарлайтын болса, Солтүстік Қазақстан толық локдаунға қайта оралмақ

Сот еңбек заңнамасы талаптарына сәйкес, медициналық мекеме басшысының орынбасары, хирург-дәрігерге мемлекеттік мекеменің сөгіс және қатаң сөгіс беру туралы бұйрығын жойды.

Сөгіс дәрігерлік-кеңестік комиссия жұмысын қалай болса солай ұйымдастырғаны және еңбекке жарамсыздық парағын өтіп кеткен күнмен бергені, реагенттерді уақтылы есептен шығармағаны, оларды есептен шығару журналдардың жоқтығы, қолда бар жабдықты тиімсіз пайдаланғаны үшін берілген. Ал қатаң сөгіс - қызметтік тергеу жүргізу кезеңінде екіжүзділік танытқаны үшін, жұмыс орнында жұмыстан тыс уақытта, басшылықтың рұқсатынсыз бөгде адамдармен болғаны үшін берілген.

Жұмыс беруші қызметтік тергеп-тексеру жүргізіп, нәтижесінде еңбекке жарамсыздық анықтамаларының кімге өткен күнмен берілгенін, күмәнді және анық емес анықтамалардың тізбесін, нөмірлерін, күндерін анықтай алмаған. Сөгісті алып тастауға сондай-ақ, жұмыскердің реагенттерді есептен шығару журналдарын алуға өтінімдерін жұмыс берушінің өзі орындамағаны, ал дәрігерлік-кеңестік комиссия мөрі еркін қолжетімді болғаны негіз болды. Ал реагенттерді есептен шығару және қолда бар жабдықты тиімсіз пайдалану мәселесін қызметкер комиссиялық талдауда айтқан, бірақ оған құлақ аспаған.

Жауап беруші талапкерді қызметтік тергеу жүргізу кезеңінде көрсеткен екіжүзділігі үшін тәртіптік жауапкершілікке тартты, бірақ жұмыс берушінің актілерінде мұндай лауазымдық міндет белгіленбеген. Сондай-ақ жауапкершілікке тарту тәртібі бұзылған, жоғары тұрған салалық кәсіподақтың пікірі жоқ. Сол себепті қатаң сөгіс беру бұйрығы да күшін жойды.

Сот шешімін алқа өзгеріссіз қалдырды, жұмыс берушінің апелляциялық шағымы да өзгеріссіз қалды.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Үмбет Шолпан
Үмбет Шолпан
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT