+7 (701) 759 90 19
USD 386.44 EUR 428.37
RUB 6.06 CNY 54.93
Jańalyqtar

СҚО-да соңғы үш жылда 1900 шақырым жол жөнделді

2019 жылғы 6 қараша 11:24
Бөлісіңіз:
СҚО-да соңғы үш жылда 1900 шақырым жол жөнделді

ПЕТРОПАВЛ. ҚазАқпарат – Солтүстік Қазақстан облысында соңғы үш жылда 1900 шақырым жол жөнделсе, соның 700-і биылға тиесілі, деп хабарлайды ҚазАқпарат тілшісі.

Ұқсас жаңалықтар
Жетісай ауданында ауылдардың жолдары жаңарып жатыр СҚО-да биыл 700 шақырым жол жөнделді Павлодар облысындағы жол учаскесінде олқылықтар анықталды

Солтүстік Қазақстан облысы әкімдігінің кезекті отырысы өтіп, бұл жолы логистика, инфрақұрылым бойынша атқарылған жұмыс сараланды.

Облыс әкімі баспасөз қызметінің мәліметінше, үш жылда жолдарды қалыпқа келтіруге 76 млрд теңге жұмсалған. Оның жартысына жуығы биыл игерілді. Жұмыстардың бір бөлігі «Нұрлы жол» бағдарламасы аясында жүзеге асты.

Келесі жылы жол жөндеу жұмыстары жалғасады. Басты назар аудан орталықтарына ауысады.

«Бізге аудан орталықтарына дейін жақсы жолдың болғаны маңызды. Келесі жылы осы жұмысты бастаймыз. Чкалов, Рузаев, Возвышенка, Благовещенка сияқты бұрын аудан орталықтары болған елді мекендерді де ұмытпаймыз. Бұл бұрынғы аудан орталықтарына да қатысты. Кейбір ауылдарда да жол жөнделеді. Аудан әкімдері нақты жоспар көрсету керек, ақша бөлінеді», - деді Құмар Ақсақалов.


Айыртау ауданына қарасты Саумалкөлдегі 15 көшеге, Бескөлде 7 көшеге жаңа асфальт төселеді. Қаражаттың көп бөлігі негізгі көшелерге бөлінбек. Қала мәртебесінде қалған Булаев қаласы жолдарын облыс бюджеті есебінен жөндеу жоспарланған. Осылайша, облыс аумағындағы жолдың 65% қанағаттанарлық жағдайға жеткізілмек.

Сондай-ақ жол құрылысында тиісті қадағалау жоқ. Компаниялар жол жөндеуде кестеден қалып қойған.

«Мұндай олқылыққа жол берілмеуі керек. Атқарылатын жұмыс ауқымды, бірақ нәтижесі шамалы. Тапсырылуы тиіс кей нысандарда жұмыс әлі бітпеген. Істелген жұмысқа 1 жыл ғана кепіл береді. Бұл дұрыс емес. Мердігерлер тапсырған жұмыстарының сапасына ең кемі 5 жыл кепіл берулері керек. Сол кезде мүмкін жұмыстарын тиісінше атқаратын болады. Бұл аулаішілік аумақтарды жөндеуге де қатысты», - деді облыс әкімі Құмар Ақсақалов.

Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT