СҚО-да синтетикалық есірткілерді өндіретін зертхана жойылды

ПЕТРОПАВЛ. ҚазАқпарат - Солтүстік Қазақстан облысында, қала маңындағы елді мекенде «спайс» деп аталатын синтетикалық препараттар шығарылатын және сатуға дайындалған зертхана анықталды, деп хабарлайды ҚазАқпарат ҚР ІІМ баспасөз қызметіне сілтеме жасап.

Синтетикалық есірткі өндірісін жергілікті тұрғын өз үйінде ұйымдастырған. Ол есірткі затының концентратын сатып алған, шөптермен араластырып оны дайындаған, доза бойынша жинақтаған.

«Күдіктінің пәтерін тінту кезінде «спайсты» өндіруге арналған негізгі белсенді компоненті – концентраты этил спирті табылды және тәркіленді, соңғы дәрілік затты дайындау үшін контейнер ретінде қолданылатын полимерлі бес литрлік бөтелкелер және синтетикалық каннабиноид, электронды таразы, 900 мың теңге көлеміндегі ақша табылды. Жедел қызметкерлер қағазға орап жинақтаған «спайстың» бір реттік 450 дозасын тәркіледі», делінген хабарламада.

Ұсталған азамат тінту кезінде ол жеке пайдалануға арналған есірткіні дайындап, жинақтаған, сонымен қатар есірткінің көп мөлшерін күн сайын 13-15 дозадан «спайсты» қолданатындығын сылтау етпек болды.

Алайда, жедел қызметкерлер есірткі зертханасын ұйымдастырушының қылмыстық жолмен алған тауарларын өз ауылында және жақын маңдағы елді мекендердің тұрғындарына сатқандығын анықтады.

«Қазіргі уақытта ер адам қамауға алынды. Оған Қылмыстық кодекстің 297-бабының 3-бөлігі (Есірткі, психотроптық заттарды сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу) бойынша айып тағылды», делінген хабарламада.

Есірткі қылмысына қарсы іс-қимыл департаментінің басқарма бастығы Қанат Нұрановтың айтуынша, жыл басынан бері синтетикалық есірткі айналымы бойынша 262 қылмыс анықталды. 9 келі осындай заттар тәркіленді, 85 азамат ұсталды. Бұл шамамен 25 мың бір реттік доза, оның жалпы құны қара нарықта 80 миллион теңгеден асады.

Бұған ағымдағы жылдың шілдесінде заңнамаға енгізілген түзетулер нәтижесінде қол жеткізілді, себебі есірткінің барлық белгілі түрлері дәрі-дәрмектердің бақыланатын тізіміне қосылды.

Өткен жылмен салыстырғанда, өткен жылы Ішкі істер органдары синтетикалық есірткі айналымы бойынша 138 қылмысты тергеді. Ал биыл 10 айдың ішінде полиция 1878 есірткі қылмысын, 1118 маркетинг фактісін және 323 есірткіні аса ірі көлемде сақтау фактісін анықтады.

19,4 тонна түрлі есірткі, оның ішінде 19 кг героин, 370 кг гашиш және 9 кг синтетикалық есірткі тәркіленді. 5 ұйымдасқан қылмыстық топтың қызметі жойылды. 5 «көшбасшысы» мен олардың 32 қатысушысы жауапқа тартылды.