+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

СҚО-да республикалық жолда адасып жүрген 6 жасар баланы полицейлер құтқарды

2020 жылғы 17 қазан 04:10
Бөлісіңіз:
СҚО-да республикалық жолда адасып жүрген 6 жасар баланы полицейлер құтқарды

ПЕТРОПАВЛ. ҚазАқпарат – Солтүстік Қазақстан облысында 6 жасар бала үйінен шығып, адасып кеткен. Оны полицейлер республикалық автожолда тауып алды, деп хабарлайды ҚазАқпарат тілшісі.

Ұқсас жаңалықтар
Қазақстанда «Жыл волонтері» байқауы жарияланды Қостанай облысында алимент төлемеген 13 әкенің көлігі тәркіленді Балаларды тұрғылықты жері бойынша қалай тіркеуге болады

Солтүстік Қазақстан облысы Полиция департаменті баспасөз қызметінің мәліметінше, кезекшілік атқарып жүрген патрульдік полиция батальонының қызметкерлері «Петропавл – Нұр-Сұлтан» автожолының бойында кетіп бара жатқан баланы көріп қалады. Полицейлер тоқтап, оны сөзге тартып, Бәйтерек ауылының тұрғыны екенін анықтаған. Үй ауласынан шығып, адасқан бала жол бойымен жүре-жүре 10 шақырымдай өтіпті. Тәртіп сақшылары баланы Бескөл ауылындағы әжесінің үйіне жеткізді. Ал ата-анасы оны өздері іздеп, әлі полицияға хабарлап үлгермеген екен.

«Отбасымның атынан Сізге қызметкерлеріңізге жақсы тәрбие бергеніңізге зор алғысымды білдіремін. Олар барлық ҚР құқық қорғау органдарының мәртебесін көтеруде. Осындай тәртіп сақшылары тұрғындардың құрметіне бөленеді», - деп баланың анасы СҚО ПД бастығы Марат Төлебаевтың атына хат жазды.

Полиция қызметкерлеріне алғыс білдірген тағы бір жазба әлеуметтік желіде пайда болды. Явленка елдімекені тұрғынының ВАЗ-21112 көлігі жолда келе жатып сынып қалған.

«Көлігім сынып, жолда қалдым. Өткен-кеткеннің ешқайсы тоқтамай қойды. Жол полициясы қызметкерлері тоқтап, машинамды аудан орталығына дейін сүйреп жеткізді. Жарайсыңдар жігіттер!» деп жазды елдімекен тұрғыны.

СҚО ПД патрульді полиция батальонының командирі Ерлан Мәдиевтің айтуынша, қиын жағдайда қалған тұрғындарға көмек көрсету полицейлердің кәсіби міндеті. Десек те, халықтың алғысы оларға өз жұмыстарын өте жақсы істеуге ынталандырады.




Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT