Қолданушы баптаулары
Қолданушы баптаулары
+7 (701) 759 90 19 Лента
USD 379.36 EUR 424.47
RUB 5.88 CNY 54.95
Jańalyqtar

СҚО-да ресейлік алаяқ сексендегі қарияның 140 мың теңгесін қолды еткен

2019 жылғы 23 сәуір 22:27 405
Бөлісіңіз:
СҚО-да ресейлік алаяқ сексендегі қарияның 140 мың теңгесін қолды еткен

ПЕТРОПАВЛ. ҚазАқпарат - Солтүстік Қазақстан облысында алаяқ 80 жастағы тұрғынды алдап, 140 мың теңгесін қалтасына басқан. Полицейлер күдікті Ресей азаматын қолға түсірді, деп хабарлайды ҚазАқпарат тілшісі.

Ұқсас жаңалықтар
Қостанай облысында бір топ жылқыны ұрлағандар ұсталды Түркістан облысында заңсыз жұмыс істеп жүрген шетелдіктер анықталды

СҚО Полиция департаменті баспасөз қызметінің хабарлауынша, Мамлют ауданының полиция бөліміне аудан орталығының 80 жастағы тұрғыны арызданған. Айтуынша, үй-үйді аралап, шәлі сатып жүрген саудагер егде жастағы тұрғынды әңгімеге тартқан. Қарт адамның сеніміне кіріп, алда ақша реформасы болатындығын айтқан. Әбігерге түскен әйелге  ақша айырбастауға өз «көмегін» ұсыныпты. Зейнеткер бар жиған-терген 140 мың теңгесін  жалған сувенир купюраға айырбастап қала береді.

Уақыт өте көңіліне күдік ұялаған ол жақын маңдағы дүкеннің сатушысына купюраны көрсеткен. Сатушы ақшаның жалған екендігін растап, бірден полицияға қоңырау шалыпты. Уақыт оздырмай жүгінгеннің арқасында сол күні күдікті қолға түсті. Ресей Федерациясының 64 жастағы тұрғыны Қазақстандағы туыстарына жиі қонаққа келіп тұрады екен.

Полицейлердің айтуынша, осы факті ҚР Қылмыстық кодексінің 190-бабы 1-б. «Алаяқтық»  бойынша Сотқа дейінгі тергеп-тексерудің бірыңғай тізіліміне енгізілді. Ұрланған заттар жәбірленушіге қайтарылды.

«Жалғыз басты қарт адамдар жиі алаяқтарға жем боп жатады. Егде жастағы туыстарыңыз, таныстарыңызбен түсіндірме әңгіме жүргізіп, оларға бейтаныс адамдармен сөйлескен кезде аса сақ болуды, ақшаға қатысты ұсыныстарына сенбеуді түсіндіргендеріңіз жөн», - дейді Мамлют ауданының полиция бөлімі бастығы Серік Әлжанов.

Мамандардың айтуынша, СҚО-да жыл басынан алаяқтықтың 110 дерегі тіркелген. Оның ішінде 65-і ашылып, 39-ы бойынша тергеу әрекеттері жүргізілуде.


СҚО-да ресейлік алаяқ сексендегі қарияның 140 мың теңгесін қолды еткен 
СҚО-да ресейлік алаяқ сексендегі қарияның 140 мың теңгесін қолды еткен 

 

Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
MURAǴAT