+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

СҚО-да полицейлерге жаңа 35 көлік берілді

2020 жылғы 9 шілде 21:27
Бөлісіңіз:
СҚО-да полицейлерге жаңа 35 көлік берілді

ПЕТРОПАВЛ. ҚазАқпарат – Солтүстік Қазақстан облысы Полиция департаментінің бөліністеріне бүгін жаңа 35 қызметтік көлік берілді, деп хабарлайды ҚазАқпарат тілшісі.

Ұқсас жаңалықтар
Шымкентте «Shymkent bike» жобасы іске қосылмақ Қазақстанда жаңа көліктерге сұраныс деңгейі белгілі болды ШҚО әкімі Семей медициналық мекемелеріне жаңа автокөлік кілттерін табыс етті

СҚО Полиция департаменті баспасөз қызметінің мәліметінше, Петропавлда және қала сыртындағы жолдарда қоғамдық тәртіпті қамтамасыз ететін патрульдік полиция енді «Лада Веста» көлігімен қызмет атқарады. Күн сайын патрульдік полицияның 30-дан астам экипажы кезекшілікке түседі. Тәртіп сақшылары негізінен «Нива» және «Лада гранта» автокөліктерін мінетін, енді олардың бір бөлігі шалғайдағы елді мекендерде құқықтық тәртіпті қамтамасыз етуге жіберіледі.

Жыл басынан патрульдік полиция қызметкерлері 700-ден астам қылмысты ашты. Сондай-ақ, полицейлер жол үстінде қиындыққа ұшыраған көлік жүргізушілеріне әрдайым жәрдемдеседі.

Осындай оқиғалардың бірі жақында М. Жұмабаев ауданында болды. Ауыл тұрғынының көлігі жолда істен шыққан. Ол ауыр халдегі науқас туысын облыс орталығындағы ауруханаға апара жатыр екен. Полиция қызметкерлері патрульдік машинамен ер адамды емдеу мекемесіне жеткізді.

«Қазіргі пандемия жағдайында қоғамдық тәртіпті сақтауда және бірінші кезекте азаматтарға көмек көрсетуде полицейлердің жұмысы тиімді болуы үшін материалдық-техникалық нығайту өте маңызды. Каратин кезінде тәртіп сақшыларының азаматтардың қауіпсіздігі мен денсаулығын қамтамасыз етуге бағытталған міндеттері арта түсті», - деп атап өтті СҚО ПД бастығы Марат Төлебаев.

Қызметтік автокөліктер өзен-көлдерде, жол апаттарында және төтенше оқиғалар кезінде адамдарға көмек көрсетуге қажетті құтқару құралдарымен жарақтандырылған. Жаңа көліктердің бір бөлігі бүгін автопаркі соңғы бірнеше жыл бойы жаңартылмаған аудандарға жол тартады.

Мамандардың айтуынша, полицейлерге берілген бұл көліктер Солтүстік Қазақстан облысының әлеуметтік-экономикалық дамуының 2018-2021 жылдарға арналған кешенді жоспарын іске асыру аясында алынды.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT