СҚО-да полицейлер жаралы аққуды құтқарды

ПЕТРОПАВЛ. ҚазАқпарат – Солтүстік Қазақстан облысында полицейлер жаралы аққуды құтқарды, деп хабарлайды ҚазАқпарат тілшісі.

Облыстық полиция департаменті баспасөз қызметінің мәлімдеуінше, Аққайың ауданында, Аралағаш ауылының маңында патрульдік полицейлер жолда ұша алмай отырған құсты аңғарған. Қанаты қайырылған аққу тобынан қалып қойған.

Полицейлер - Жанболат Бүркіталин мен Дмитрий Белоусов құсты Петропавлдың ботаникалық бағына әкелді. Ондағы мамандар құстың айығуына көмектесіп, көктем шыға ұшырып жіберуге уәде берді.

Авторы: Олеся Жуковень