+7 (701) 759 90 19
USD 409.98 EUR 462.21
RUB 5.75 CNY 58.43
Jańalyqtar

СҚО-да полицейлер ұрыларға жем болмау жолдарын көрсетті

2019 жылғы 15 қазан 05:20
Бөлісіңіз:
СҚО-да полицейлер ұрыларға жем болмау жолдарын көрсетті

ПЕТРОПАВЛ. ҚазАқпарат – Солтүстік Қазақстан облысында тәртіп сақшылары қалта ұрыларымен күресті мықтап қолға алып, тіпті тұрғындарға ұрыларға жем болмаудың амалдарын көрсететін ұсыным әзірледі, деп хабарлайды ҚазАқпарат тілшісі.

Ұқсас жаңалықтар
Атырауда дәріхананы тонап кетті Түлкібаста бақташы өзіне сеніп тапсырылған қойларды сатып жіберген СҚО-да елді «аруақ шақырып емдеген» екі әйел ұсталды

СҚО Полиция департаменті баспасөз қызметінің мәліметінше, жыл басынан қалта ұрлығына қатысты 15 қылмыстық іс қозғалған. Оның 8-інде іс сотқа дейін жетті.

Қалта ұрысынан сақтану үшін бірнеше ұсынымды естен шығармаған жөн. Оны солтүстікқазақстандық полицейлер көп жылғы тәжірбиеге сүйене отырып жазып шықты. Ақыл-кеңес және криминалды полиция бөлімшелерінің телефон нөмірлері жазылған баннерлер халық көп жүретін жерлерге ілініп жатыр.

«Қалта ұрысын бет-бейнесіне, киім киісіне қарап ажырату мүмкін емес. Олар басқалардан ерекшеленбеуге тырысады. Жұппен және жалғыз жұмыс істеулері мүмкін. Әдетте қоғамдық көліктерде таңертең немесе жұрт үйіне қайтар уақытта жүреді. Сол себепті қалта ұрлығының алдын алу үшін баннерлерді аялдамалардың жанына іліп жатырмыз», - дейді тәртіп сақшылары.

Петропавл тұрғындары полицейлердің бастамасына оң бағаларын беруде.

«Көзге көрінген нәрсе жақсы есте қалады. Баннерлердегі ақыл-кеңестер біреуіне болмаса біреуіне көмектеседі. Автобусты күткен жұрт міндетті түрде оқиды. Қажет ақпарат», - дейді Петропавл қаласының тұрғыны Светлана Насырова.

Криминалды полиция басқармасының мәліметінше, Петропавл қаласында мұндай баннерлердің жиырмаға жуығы ілінбек. Бұдан басқа аялдамаларға интернет-алаяқтыққа қатысты да ақпарат жапсырылды. Автобус салондарында жолаушыларды ескерткен аудиороликтер жүреді.

Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT