+7 (701) 759 90 19
USD 386.30 EUR 428.14
RUB 6.08 CNY 54.87
Jańalyqtar

СҚО-да полицейлер қорықшыны тонаған браконьерлерді ұстады

2019 жылғы 19 қараша 19:50
Бөлісіңіз:
СҚО-да полицейлер қорықшыны тонаған браконьерлерді ұстады

ПЕТРОПАВЛ. ҚазАқпарат – Солтүстік Қазақстан облысында сібір елігінің етін көлікке артып жатқан браконьерлерді тоқтатпақ болған қорықшыларға күш көрсетіп, оқиға орнынан қашқан күдіктілер полицияның көмегімен ұсталды, деп хабарлайды ҚазАқпарат тілшісі.

Ұқсас жаңалықтар
Қызылордада 14 мал ұрлығы қылмысының беті ашылды БҚО-да тұрғындарды 9,2 млн теңгеге отырғызып кеткен алаяқ сотталды Ақмолада «Тумгоевтер» қылмыстық тобын құрғандар сотталды

СҚО Полиция департаменті баспасөз қызметінің хабарлауынша, 14 қараша күні сағат 22.00 шамасында Есіл аң шаруашылығының қорықшылары рейд барысында браконьерлердің үстінен түседі. Сақшылар келгенде Алуа көлінің маңында үш адам «Lexus» автомашинасының жүк салғышына сібір елігінің етін тиеп жатқан. Қорықшылардың бірі бейнетүсірілім жасау үшін ұялы телефонды қолданған, алайда ер адамдар күш қолданылып, оның телефонын тартып алады. Кейін браконьерлер аң етін тастай салып, оқиға орнынан жасырынбақ болады. Қорықшылар ізіне түсіп, көмекке полицияны шақырған.

«Осы факті бойынша жедел тергеу тобы тез арада жолға шығып, Есіл ауданы Николаевка елді мекеніне таяу «Петропавл-Жезқазған» автожолында «Lexus» автокөлігін тоқтатты. Автокөліктің салонын тексеру кезінде аңның қан іздері мен жүні табылды. Күдіктілерден ТОЗ-37 маркалы 12 калибрлі аңшы мылтығы мен оның оқтары алынды. Қорықшының телефоны да, заңсыз атылған сібір елігінің еті де сол жерде табылды», - деді Есіл ауданы полиция бөлімі бастығының орынбасары Сағындық Жантеміров.

Аталған факті ҚР Қылмыстық кодексінің «Тонау» және «Заңсыз аңшылық» баптары бойынша Сотқа дейінгі тергеп-тексерулердің бірыңғай тізіліміне енгізілді. Ұсталған браконьерлер бір-біріне туыс. Оның біреуі Есіл ауданының 30 жастағы тұрғыны болса, екіншісі Петропавл қаласының 29 жастағы тұрғыны. Ал қолға түскен үшіншісі - 69 жастағы Ресей федерациясының азаматы.

Жалпы, жыл басынан облыста заңсыз аң аулаудың 13 дерегі тіркелді.



Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT