+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

СҚО-да полицей қорғаныс құралдарының үлкен топтамасын жинаған

2021 жылғы 20 маусым 09:55
Бөлісіңіз:
СҚО-да полицей қорғаныс құралдарының үлкен топтамасын жинаған

ПЕТРОПАВЛ. ҚазАқпарат – Солтүстік Қазақстан облысы полиция департаменті мамандандырылған күзет қызметі басқармасының қызметкері Эльдар Алимкин газтұмылдырықтар жинаумен айналысады, - деп хабарлайды ҚазАқпарат тілшісі.

Ұқсас жаңалықтар
СҚО-да келушіні тексермеген 50 шақты кәсіпорын Ashyq жобасынан шеттетілді СҚО-да мұғалімдердің 96 пайызы вакцина алды СҚО-да тексеру жүргізілген 40 жолдың 17-нің сапасы талапқа сай емес

СҚО полиция департаменті баспасөз қызметінің мәліметінше, мамандандырылған күзет қызметі басқармасының қызметкері Эльдар Алимкин үйіндегі бір бөлмені азаматтық қорғаныс тарихына арнап, нағыз музейге айналдырған. Мұнда радиациялық қорғаныс құралдары, жауынгердің химиялық қорғаныс костюмінің жиынтығы, қорғанысқа қатысты әдебиеттерге дейін бар. Топтаманың негізгі бөлігін газтұмылдырықтар алады. Эльдар оның отыз шақты түрін жинаған екен.

«Мынау сөреде әскери газтұмылдырықтар тұр. ПМК-1 – ең бірінші шыққандары. КЗО-Т қайырмалы бас киімімен, яғни ол толық жабық болып, атом жарылысы кезінде жауынгердің мойынын қорғайды. Ол 1970 жылдан бастап шығарыла бастады», - дейді Эльдар Алимкин.

Эльдар газтұмылдырықтардың түрлері туралы қызыға айтады. Ұшқыштарға арналғаны теріден жасалған, ол ұзақ уақыт киюге ыңғайлы. Енді бірі ракеталық әскер жауынгерлеріне, үшіншісі азаматтық тұлғаларға арналған. Әр модельдің өз ерекшеліктері бар.


Жары Виктория жолдасының газтұмылдырықтарға деген қызығушылығын қолдайды. Тіпті үш жасар баласы да ерекше ойыншықтармен ойнағанды ұнатады. Полицейдің бұл әуестігін патриоттық тәрбиенің құралы ретінде жұмысында да құптайды. Әзірше үйдегі музейдің көрермендері - әріптестері мен жолдастары.

Интернетте азаматтық қорғаныс тарихымен әуестенетін бірлестіктер жетерлік. Эльдар өзі сияқтылармен байланыс орнатқан, нәтижесінде бір жылдай ғана уақыт ішінде өз коллекциясын жинап үлгерді.

Болашақта Эльдар топтамасын толықтырып қана қоймай, нағыз музей етіп жабдықталған жеке үй-жай ашуды көздейді. Оның пікірінше, мұндай жәдігерлер әскери оқу орындарының курсанттарына және әскери-патриоттық тақырыпқа қызығушылық танытантындарға қызықты.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059

MURAǴAT