+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

СҚО-да парақорлар мемлекетке жарты млрд теңге шығын келтірді

2020 жылғы 2 шілде 13:10
Бөлісіңіз:
СҚО-да парақорлар мемлекетке жарты млрд теңге шығын келтірді

ПЕТРОПАВЛ. ҚазАқпарат – Солтүстік Қазақстан облысы бойынша Сыбайлас жемқорлыққа қарсы іс-қимыл департаментінің жетекшісі Ернар Баянғазин тікелей эфирде ведомствоның өткен жарты жылдағы жұмысын қорытындылады, деп хабарлайды ҚазАқпарат тілшісі.

Сыбайлас жемқорлыққа қарсы қызмет басшысының сөзіне қарағанда, сыбайлас жемқорлық қылмыстарының алдын алуға басымдық берілді. Департамент мамандары сыбайлас жемқорлық тәуекелдерінің сыртқы талдауларын жасайды, сондай-ақ жобалық кеңселер, арнайы бақылау топтары жұмыс істеп жатыр.

«Біздің бастамамызбен тоқсан сайын тұрғындар арасында сыбайлас жемқорлықты қабылдау деңгейін анықтау мақсатында сауалнама жүргізіледі. Бірінші тоқсанда біз бір мыңға жуық солтүстікқазақстандықты қамтыдық. Олардың көпшілігі өңірдегі сыбайлас жемқорлық жағдайын орташа деңгейде деп бағалады. Қазір біз екінші тоқсан бойынша сауалнама жүргізбекпіз», - дейді Ернар Баянғазин.

Осындай ауқымды алдын алу жұмысының жүргізіліп жатқанына қарамастан департамент 54 қылмысты тіркеді. Оның 37-сі, яғни 69% пара алуға қатысты.

«Мемлекеттік органдардың 5 басшысын ұстадық. Оның біреуі облыстық, үшеуі аудандық және бір-бірден қалалық, ауылдық мекемелердің жетекшілері. 84 қылмыстық іс өндіріспен аяқталды. Оның 36-сы сотқа жіберілді. 12 тұлға сотталды. Оның алтауы жазасыз колонияда өтейді, бесеуіне айыппұл салынды және біреуінің бас бостандығы шектелді. Аяқталған қылмыстық істер бойынша мемлекетке 458,2 млн теңге шығын келтірілгендігі анықталды. Оның 452 млн теңгеге жуығы қайтарылды», - дейді ведомство жетекшісі.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT