СҚО-да некесін бұзатындар саны екі есе азайған
СҚО Статистика департаментінің мәліметінше, өңірде 1699 ұл бала дүниеге келсе, қыздардың үлесі жүзге кем. Балалардың 42,3% Петропавлда туған. Ал аудандар арасында ең жоғары туу коэффициенті Уәлиханов ауданында тіркеліп отыр. Мамлют ауданы туу көрсеткішінен соңғы орында.
Осы аралықта СҚО-да 3158 адам қайтыс болды.
«Өлімнің 17,4%-ын қан айналымы жүйесінің аурулары, 15,6% - тыныс органдарының аурулары, 9% - ас қорыту органдарының аурулары алады. Ал 8,4%-і жазатайым оқиғаларға, улану мен жарақаттануға тиесілі», - дейді СҚО Статистика департаментінің бас маманы Ольга Бубенко.
Биыл некеге тұрып, айырылысқандар саны едәуір аз. 2020 жылдың алты айында 1124 неке тіркелген, ол 2019 жылдың көрсеткішінен 17,5% төмен. Бұзылған неке саны 2019 жылғы сәйкес кезеңмен салыстырғанда 53% кеміп, 469-ды құрады.
СҚО-ға жыл басынан 2398 адам көшіп келсе, 4131 адам қоныс аударған. Бұл - 2019 жылғы қаңтар-маусымға қарағанда 33,1% кем.
«Облыс аумағынан көшіп кеткендер - 94,4%-ы ТМД елдеріне кетіп, Сондай-ақ қоныс аударғандардың 87,1%-ы ТМД елдерінен келген. Біздің облыстан шыққан эмигранттардың негізгі бөлігін - 98,9% Ресей қабылдайды. Облысқа ТМД елдерінен келгендердің арасында да Ресей көш бастап тұр, оның үлесі 89,2%. Әлемнің басқа елдеріне облыстың 56 тұрғыны қоныс аударды, облысқа тұрақты тұруға 44 адам келді. Шетелге кететіндер негізінен Польша және Германияны таңдайды. Оларға басқа елдерге кеткендердің 94,6%-ы қоныс аударды. Көшіп келгендер арасында Монғолия және Қытай тұрғындары басым, олардың үлесі - 65,9%», - дейді Ольга Бубенко.
Жалпы 2020 жылғы 1 шілде бойынша облыстағы халық саны 547,1 мың адамды құрады, оның ішінде 253,2 мың адам, яғни 46,3%-і қалалықтар, қалған 293,9 мың адам ауылдарда тұрып жатыр.