СҚО-да мемлекеттік қызметшілер 160 келіден астам макулатура жинаған
2018 жылғы 22 маусым 10:47

СҚО-да мемлекеттік қызметшілер 160 келіден астам макулатура жинаған

ПЕТРОПАВЛ. ҚазАқпарат - Солтүстік Қазақстан облысы бойынша мемлекеттік қызмет және сыбайлас жемқорлыққа қарсы іс-қимыл департаменті «Қағаз өткізіп, ағаштарды құтқар!» ұранымен 160 келіден астам макулатура жинады, деп хабарлайды ҚазАқпарат тілшісі.

«160 келіден астам макулатура жинадық, бұл 3 ағашты құтқарғанмен бірдей. Бір тонна макулатура 20-25 ағашты кесуден сақтайды. Мұндай шикізатты қайта өңдеу атмосфераға зиянды заттарды аз шығаратын таза процесс болып саналады», - деп хабарлады баспасөз қызметінен.

Макулатура жинау «20 қайырлы іс» акциясы аясында өтті. Акция 20 сәуірде мемлекеттік қызметтің 20 жылдығына орай басталған еді. Департаменттің жоспары бойынша бұл шара қыркүйекке дейін апта сайын өткізілмек.

Сондай-ақ, мемлекеттік қызметшілер аз қамтылған және көп балалы отбасыларға, мүмкіндігі шектеулі балаларға, ЕДС ардагерлері мен зейнеткерлерге көмек көрсетіп жатыр. Балалар үйлерінде ерікті болып, қаланы абаттандырумен айналысуда.
nullnullnull

Автор:
Тілші

Jańalyqtar

MURAǴAT