СҚО-да мемлекеттік бас санитар дәрігердің жаңа қаулысы шықты
25 тамызда ҚР Бас мемлекеттік санитариялық дәрігері «2021-2022 оқу жылында білім беру ұйымдарында коронавирус инфекциясының алдын алу бойынша санитариялық-эпидемияға қарсы және санитариялық-профилактикалық іс-шараларды жүргізу туралы» № 36 қаулыға қол қойды, соның негізінде бүгін өңірдің мемлекеттік бас санитар дәрігерінің жаңа қаулысы шықты. Қаулы бойынша:
1) 2021-2022 оқу жылында барлық меншік нысанындағы және ведомстволық бағыныстағы білім беру ұйымдарында штаттық форматта оқытуға рұқсат етілді, бұл мынадай жағдайларда мектепке дейінгі мекемелерге де қатысты:
- педагогтер мен персоналдың 100 % вакцинациясы (тұрақты медициналық қарсы көрсетілімдері бар, сауыққаннан кейін 3 ай ішінде COVID-19 ауырып жазылған адамдарды қоспағанда);
- ұйымға кіру кезінде Ashyq қосымшасын енгізу (педагогтарды, персоналды, ата-аналарды (заңды өкілдерді), 18 және одан жоғары жаста оқитын келушілерді QR-код бойынша тіркеу;
- маска режимін сақтау;
- санитайзер, антисептик, дезинфекциялаушы және жуғыш заттардың жеткілікті санын қамтамасыз ету;
- үй-жайларды тазалау мен дезинфекциялау жиілігін арттыру;
- үй-жайларды дымқыл тазалау мен дезинфекциялау, үй-жайдағы ауаны желдету және дезинфекциялау режиміне қойылатын талаптарды сақтау;
- мұғалімдерге, қызметкерлерге және оқушыларға арналған күнделікті «кіріс» сүзгісі (байланыссыз термометрия);
- бұқаралық іс-шараларды өткізуге тыйым салу (мәдени, тәртіптік, сыныптан тыс және ата -аналар жиналысы және т.б.);
- мектепке дейінгі және орта білім беру ұйымдарында топтар мен сыныптарды біріктіру арқылы іс -шаралар өткізуге тыйым салу;
- зертханалық, практикалық сабақтарды қоспағанда, кабинеттік оқыту жүйесін болдырмау;
2) асханаларда ауа рециркуляторлары қондырғыларын пайдалана отырып, тамақтануды ұйымдастыруға бақылауды күшейту;
3) COVID-19-ға қарсы вакцинацияланған студенттердің жатақханаларға орналасуына (18 жасқа толмаған студенттерді, сондай-ақ тұрақты медициналық қарсы көрсеткіштері бар және соңғы 3 ай ішінде COVID-19-бен ауырған студенттерді орналастыруға) рұқсат етіледі, бөтен адамдардың кіруіне тыйым салынады;
Сонымен қатар карантинді енгізудің дифференциалды тәсілі ұсынылады:
- сыныпта (топта) COVID -19-ды жұқтырудың 1 жағдайы тіркелген кезде - сынып (топ) 14 күн бойы үй карантиніне оқшауланады;
- бір ауысымдағы сыныптардың 30 %-дан астамында COVID -19-бен ауыру тіркелген жағдайда, орта білім беру ұйымының осы ауысымы 14 күнге үй карантиніне оқшауланады, бұл колледждер мен жоғары оқу орындарының топтарына да қатысты.