+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

СҚО-да мемқызметшілер қандай бұйымдарды сыйлыққа алған

2021 жылғы 27 қыркүйек 21:44
Бөлісіңіз:
СҚО-да мемқызметшілер қандай бұйымдарды сыйлыққа алған

ПЕТРОПАВЛ. ҚазАқпарат – Солтүстік Қазақстан облысында биыл мемлекеттік қызметшілер мемлекеттік мүлік және жекешелендіру департаментіне өздеріне сыйлаған бес сыйлықты өткізген, деп хабарлайды ҚазАқпарат тілшісі.

Ұқсас жаңалықтар
Петропавлда тұрмысы нашар 140 отбасы полиция есебінде тұр Қайырымдылық қанымызда бар – Сәуле Оразова СҚО-да вакцинация паспортын қолдан жасаған медқызметкер сотталды

СҚО мемлекеттік мүлік және жекешелендіру департаментінің мәліметінше, биыл департаментте есепке жекелеген негіздер бойынша түскен мүлікті одан әрі пайдалануды айқындау бойынша ведомствоаралық комиссияның сегіз отырысы өткен. Оған мемлекеттік қызметкерлерге берілетін сыйлықтар да жатады. Былтыр бір ғана сыйлық тапсырылған - «Құс сүті» кәмпитінің қорапшасы мерзімінің өтуіне байланысты жойылған.

«Биыл жыл басынан департамент 5 сыйлықты қабылдап алды. Олар – 2 дана қаламсап, есту аппараты, көзілдірік және валидол дәрісі. Олардың барлығы жалпы сомасы 8 103 теңгеге сатылды», - дейді департамент басшысы Аман Төрегелдин.

Сапасы мен қауіпсіздігі нормативтік құжаттардың талаптарына сәйкес келмейтін азық-түлік шикізаты, тамақ өнімдері, шығу тегі белгіленбеген алкоголь өнімі және темекі, Қазақстан Республикасы заңнамасының талаптарына және санитариялық-эпидемиологиялық қағидалар мен нормаларға сәйкес келмейтін, акциздік таңбаларсыз өзге де бұйымдар жойылады.

«Биыл жыл басынан 2 мыңнан астам өнім жойылды. Оның 2 014-і арақ-шарап шөлмегі. Өткен жылдың ұқсас кезеңінде 2 327-і дана бұйым жойылды, оның ішінде 1 842 шөлмек және 476 қорап темекі өнімдері», - дейді Аман Төрегелдин.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT