+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

СҚО-да қызыл құртты заңсыз аулаған адам ұсталды

2019 жылғы 16 қыркүйек 20:52
Бөлісіңіз:
СҚО-да қызыл құртты заңсыз аулаған адам ұсталды

ПЕТРОПАВЛ. ҚазАқпарат – Солтүстік Қазақстан облысында бағалы шаян - artemia salina-ны заңсыз аулаған күдікті қолға түсті, деп хабарлайды ҚазАқпарат тілшісі.

СҚО полиция департаменті баспасөз қызметінің мәліметінше, Жамбыл ауданында рейдтік іс-шара кезінде 41 жастағы ауыл тұрғыны тізгіндеген «ВАЗ-2107» тоқтатылды. Көлікті тексеру кезінде артындағы тіркемеден artemia salina шаяндары салынған 9 қап табылды. Жүргізушінің жәндіктерді аулауға рұқсат құжаттары болмай шыққан. Аталған факті ҚР Қылмыстық кодексінің 335-бабы «Балық ресурстарын, басқа да су жануарларын немесе өсiмдiктерін заңсыз алу» бойынша Сотқа дейінгі тергеп-тексерудің бірыңғай тізіліміне енгізілді. Қаптар тәркіленіп алынып, қажетті сараптамалар тағайындалды.

Осыған ұқсас факті Тайынша ауданында да анықталған.

«Бүгінгі таңда браконьерлік үшін жауапкершілікті күшейту туралы ұсыныстар кеңінен талқылануда. Қазіргі уақытта Солтүстік Қазақстан облысында құстарды аулау маусымы ашылды. Сонымен бірге сібір елігінің текесін атуға рұқсат берілді.

Бұл күндері қаруды ұстау және тасымалдау ережелерінің бұзушылықтары кездесуде. Мәселен, Жамбыл ауданында жол талғамайтын көлік тоқтатылып, салондағы артқы орындықтан 12 калибрлі «МЦ-2112» маркалы оқталған аңшы мылтығы табылды. Жүргізушіге қатысты ҚР Әкімшілік құқық бұзушылық туралы Кодексінің 382-бабы «Жануарлар дүниесiн пайдалану талаптарын және аң аулау қағидаларын бұзу» бойынша әкімшілік хаттама толтырылды», - дейді облыстық ПД Табиғтты қорғау полициясы бөлімшесінің бастығы Сергей Липко.

Бір күн бұрын дәл осындай бұзушылық үшін Мағжан Жұмабаев ауданының тұрғыны жауапкершілікке тартылды. Ол мылтығын қапсыз тасымалдаған. Аңшылық орнына қару оқталмаған және қапталған қалпында жеткізілуі тиіс. Аңдарды ату кезіндегі үзілісте, бір жерден екінші жерге ауысқан жағдайда оқ алынып тасталуы керек.

Балық аулау ережелерін өрескел бұзатындар да кездеседі. Табиғатты қорғау полициясының қызметкерлері синтетикалық материалдан жасалатын қытайлық аулардың қолданылуының заңсыз екенін айтуда. Мұндай аулар жыртылып қалған соң біраз жылдар бойы су ішінде сақталып, су жануарларының өсіп-өнуіне кедергі келтіреді.

Жалпы жыл басынан табиғатты қорғау полицейлері аңшылыққа қатысты 300-ден астам және балық аулауға байланысты 200-ден астам ереже бұзушылықты анықтады.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT