Қолданушы баптаулары
Қолданушы баптаулары
+7 (701) 759 90 19 Лента
USD 379.19 EUR 426.63
RUB 5.92 CNY 56.54
Jańalyqtar

СҚО-да қылмыстық істер электронды форматқа көшіріліп жатыр

2019 жылғы 16 сәуір 10:33 180
Бөлісіңіз:
 СҚО-да қылмыстық істер электронды форматқа көшіріліп жатыр

ПЕТРОПАВЛ. ҚазАқпарат - Солтүстік Қазақстан облысында полицейлер әкімшілік және қылмыстық істерді цифрлық форматқа көшіруде, деп хабарлайды ҚазАқпарат тілшісі.

Ұқсас жаңалықтар
Азаматтар құжаттарын Қазақстан аумағындағы кез келген тіркеуші органға бере алады 15 мың мұғалім төленбей келген 176 млн теңге үстемеақыларын алды

Полиция департаменті баспасөз қызметінің ақпаратына сүйенсек, 73 тергеуші және анықтаушының жұмыс орны электронды қылмыстық істерді жүргізуге сай жабдықталған. Жыл басынан бері «Е-қылмыстық істердің» 428-і тіркеліп, 409-ы аяқталған.

Полицейлердің айтуынша, қағаздан арылу тергеуге кететін уақытты үнемдеуге септігін тигізген. Тергеудің әрбір бөлігі қадағалаушы органдарға айқын көрінетін болды. Тергеуші жұмыстан бір минутқа да ауытқымау мүмкіндігін алды. Адвокаттар, жәбірленушілер, күдіктілер де тергеудің барысымен таныса алатын болды.

«Барынша ашық жұмыс істеу - адамдардың тәртіп сақтау органдарына деген сенімін арттыруға апарар жол. Патрульдік полицияны Әкімшілік өндірістердің бірыңғай тізілімінде қашықтықтан жұмыс істеу мүмкіндігін беретін планшеттермен жабдықтау да осындай міндетті атқарады. Хаттамаларды планшет арқылы қарау заңсыз жолмен «келісіп кете беруге» жол бермейді», - дейді полиция департаментінің бастығы Берік Біләлов.

Қазір тәртіп сақшыларының қолында 89 планшет бар, жуырда тағы 127-сі сатып алынады. Алдағы уақытта патрульдердің бәрін қажетті техникамен түгел жабдықтау жоспарланып отыр.

Б. Біләловтің айтуынша, ашықтық пен жариялылықты мемлекеттік қызметтерді көрсету саласын электронды форматқа көшіру де септігін тигізеді. Былтыр бірінші тоқсанда «Электронды үкімет» порталына тұрғылықты мекенжайы бойынша небәрі 78 адам тіркелген. Биыл компьютер немесе мобильді құрылғы арқылы тіркелгендердің саны 984-ке жетті.

«Жоғары технологиялар - полиция жұмысының нәтижелілігін арттыруға көп көмек береді. Өңірде қалалық және аудандық полиция бөлімдерінің барлығы жайлы фронт-кеңселермен қамтамасыз етілген», - дейді Б. Біләлов.

Автор: Олеся Жуковень

 

 

Біздің каналымызға жазылыңыз:

Бөлісіңіз:
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
MURAǴAT