+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

СҚО-да құтқарушылар өз қатарларына еріктілерді қабылдамақ

2019 жылғы 16 қазан 20:10
Бөлісіңіз:
СҚО-да құтқарушылар өз қатарларына еріктілерді қабылдамақ

ПЕТРОПАВЛ. ҚазАқпарат – Солтүстік Қазақстан облысында азаматтық қорғаныс саласына ерікті жастар тартылмақ, деп хабарлайды ҚазАқпарат тілшісі.

Ұқсас жаңалықтар

СҚО Төтенше жағдайлар департаменті баспасөз қызметінің мәліметінше, ведомствода еріктілер қозғалысының қызметі туралы, оларды маңызды іс-шараларға тарту, еріктілерді төтенше жағдай кезіндегі әрекеттерге және алғашқы медициналық көмек көрсетуге даярлау мәселелеріне арналған семинар-кеңес өтті. Оған жастар, қоғамдық ұйым өкілдері қатысты.

«Еріктілер іздеу-құтқару жұмыстарына жиі қатысады. Бұл олардың азаматтық ұстанымдарының жоғары екендігінің көрсеткіші. Алайда олар мұндай іс-шараларда өздерін қалай ұстау, қалай әрекет ету қажеттігі жөнінде, тіпті қауіпсіздік техникасы туралы біле бермейді», - дейді СҚО ТЖД азаматтық қорғау саласындағы апат тәуекелдерін төмендету және бақылау басқармасының бастығы Игорь Балеев.

Игорь Балеевтің пікірінше, құтқарушылармен бірге жүріп, олардың жұмысына араласқан жастар өмірлік сабақ алады. Өрт, көктемгі су тасқыны кезінде зардап шеккендерге көмектесіп, адамгершілік қасиеттер мен рухани құндылықтардың мәнін ұғады. Азаматтық қорғаныс саласына келген еріктілер тұрғындармен тек түсіндіру, алдын-алу жұмыстарын ғана жүргізіп қоймай, халыққа нақты көмек көрсетуі тиіс.

Кездесу барысында департамент мамандары кәсіби дайындығы бар еріктілерді даярлауға өз көмектерін ұсынды. Яғни жастарды төтенше жағдайларда дұрыс әрекет ету ережелерімен таныстырып, оларға зардап шеккендерге алғашқы медициналық және психологиялық көмек беру дағдыларын үйретпек.

Мамандардың айтуынша, биыл СҚО-да көктемгі су тасқыны және шомылу маусымы қарсаңында еріктілер халық арасында түсіндіру жұмыстарын жүргізуге көмектесті. Жастардың қатысуымен 453 рейд өтті. 100 шақты волонтер тұрғындарға қауіпсіздік ережелері жазылған жадынама парақшаларын таратты.

Ерікті болуды қалайтындар үшін СҚО Төтенше жағдай департаментінің сайтында «Қалай азаматтық қорғаныс саласының волонтері болуға болады» (http://sqo.emer.gov.kz/) бөлімі құрылған.




Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT