+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

СҚО-да құс тұмауы табылған ауылда барлық құс жойылатын болды

2021 жылғы 28 қыркүйек 17:51
Бөлісіңіз:
СҚО-да құс тұмауы табылған ауылда барлық құс жойылатын болды

ПЕТРОПАВЛ. ҚазАқпарат – Солтүстік Қазақстан облысында құс тұмауының таралуына жол бермеу үшін ауру ошағындағы барлық құс жойылмақ, ал оның иелеріне өтемақы төленетін болды, деп хабарлайды ҚазАқпарат тілшісі.

Ұқсас жаңалықтар
СҚО-да құс тұмауына байланысты 2 мыңнан астам үй құсы алынып, жойылды Тереңкөл ауданында құс тұмауына байланысты карантин енгізілді - Павлодар облысы Петропавлда тұрмысы нашар 140 отбасы полиция есебінде тұр

СҚО-да құс тұмауының тіркелуіне байланысты республикалық комиссия келді. ҚР АШМ ветеринарлық бақылау және қадағалау комитеті төрағасының міндетін атқарушы Бауыржан Абызбаев басқарған жұмыс тобы ауру ошағы – М.Жұмабаев ауданы Лебяжье елді мекенінде болды. Құс тұмауының таралуына жол бермеу мақсатында атқарылып жатқан шаралармен танысып, тұрғындар арасында түсіндіру жұмыстарын жүргізді. Бұл жайында СҚО ветеринария басқармасының басшысы Берік Әлжанов әлеуметтік желідегі парақшасында хабарлады.

«Инфекция ошағын оқшаулау және жою мақсатында елді мекен айналасы жыртылды. Ауылға кіреберіске келіп-кетуші көлікке дезинфекциялық кедергі қойылды. Эпизоотиялық тізбекті үзу мақсатында ауру ошағындағы барлық құсты жою туралы шешім қабылданды. Құс иелеріне толық мөлшерде өтемақы төленеді», - деп жазды Берік Әлжанов.

Басқарма басшысының айтуынша, эпизоотиялық жағдай бақылауға алынған. Облыстың басқа елді мекендеріне қауіпті инфекция таралмауы үшін барлық тиісті іс-шаралар – вакцинация, тұрғындар арасында түсіндіру жұмыстары жүргізілді, құс пен құс өнімдері бақылауға алынды.

Естеріңізге салайық, 27 қыркүйек күні СҚО М.Жұмабаев ауданындағы Лебяжье елді мекені құс тұмауының тіркелуіне байланысты карантинге жабылған еді. Бұл ауылда мыңнан астам үй құсы қырылып қалды.



Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT