+7 (701) 759 90 19
USD 435.76 EUR 493.41
RUB 5.89 CNY 68.37
Jańalyqtar

СҚО-да көлік жүргізушісі жолда отар қойды соғып, 14 мал өлді

2021 жылғы 28 қыркүйек 13:10
Бөлісіңіз:
СҚО-да көлік жүргізушісі жолда отар қойды соғып, 14 мал өлді

ПЕТРОПАВЛ. ҚазАқпарат – Солтүстік Қазақстан облысында жүргізуші жолдан өтіп бара жатқан қойларды кеш байқап, көлігімен соғып өтті, салдарынан 14 бас мал өлді, деп хабарлайды ҚазАқпарат тілшісі.

Ұқсас жаңалықтар
Өскеменде көшеде ер адамды бірнеше жерден пышақтап кеткен Ақтөбеде жүргізуші әйел аялдаманы қиратып кетті СҚО-да биыл 1,8 млн малға екпе егілді

СҚО Полиция департаменті баспасөз қызметінің мәліметінше, жол-көлік оқиғасы 24 қыркүйек сағат 12.50-де Есіл ауданы Явленка елді мекенінің маңында болған. «Петропавл-Жезқазған» автожолында Daewoo Nexia автокөлігінің жүргізушісі бір отар қойды соққан. Салдарынан 14 бас мал өлді.

Daewoo Nexia-ның 51 жастағы жүргізушісі 41 жастағы жолаушысымен Петропавлдан Шал ақын ауданына бет алған екен. Жол-көлік оқиғасы «Мал айдау» жол белгісінің аумағында болған. Жүргізуші мен жолаушы аман.

Есіл ауданы полиция бөлімі бастығы Ерлік Есләмбековтың айтуынша, автокөлік жүргізушісі мас болмаған. Осы фактісі бойынша ҚР Әкімшілік құқық бұзушылық туралы Кодексінің 610-бабының 1-бөлігі «Көлiк құралдары жүргiзушiлерінiң жол жүрісі қағидаларын адамдардың денсаулығына зиян келтiруге, көлiк құралдарының немесе өзге де мүлiктiң бүлінуіне алып келген бұзушылығы» бойынша материал жиналды және шешім қабылдау үшін сотқа жіберілді.

Бұл – жыл басынан облыс жолдарында малдың қатысуымен тіркелген екінші жол-көлік оқиғасы. Жалпы, СҚО-да 8 айда 100-ден астам жол апаты тіркелді, салдарынан 20 адам көз жұмып, 149 адам жарақаттар алды.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT