+7 (701) 759 90 19 Лента
USD 386.77 EUR 427.26
RUB 6.00 CNY 54.56
Jańalyqtar

СҚО-да кәсіпкерлер бизнес-омбудсмен Болат Палымбетовпен кездесті

2019 жылғы 14 қыркүйек 09:21
Бөлісіңіз:
СҚО-да кәсіпкерлер бизнес-омбудсмен Болат Палымбетовпен кездесті

ПЕТРОПАВЛ. ҚазАқпарат – Солтүстік Қазақстан облысына жұмыс сапары барысында Қазақстан кәсіпкерлерінің құқықтарын қорғау жөніндегі уәкіл Болат Палымбетов облыс басшылығымен кездесіп, кәсіпкерлерді жеке қабылдады, деп хабарлайды ҚазАқпарат.

Ұқсас жаңалықтар
Оралда 3,6 млн теңге алимент төлемеген борышкер сотталып тынды Алматы облысының тұрғындары жол және мүлік қауіпсіздігіне алаңдаулы Бизнесмендердің көбі нарыққа шығудың ережесін білмейді - ЕЭК

СҚО Кәсіпкерлер палатасы баспасөз қызметінің мәліметінше, соңғы үш жылда бизнес-омбудсмен мен оның аппаратына 17 мыңнан астам арыз-өтініш түскен. Барлығы бизнесті қорғауға қатысты. Оның 46% толықтай немесе жартылай шешілді. Кәсіпкерлердің 110,8 млрд теңгенің мүлкі қорғалды. Бизнесмендер көтеретін мәселелердің 17% жер қатынастарына, 9% салық бойынша, 7% мемлекеттік сатып алу бойынша болса, 8% құқық қорғау органдарының іс-әрекетіне қатысты.



СҚО кәсіпкерлерінен былтыр 191 өтініш түссе, соның 83-і оң шешілген.

«Бақылаушы органдардың шектен тыс талаптары кәсіпкерлердің «бас ауруына» айналған. Жыл сайын Ұлттық экономика министрлігімен бірлесе отырып, кәсіпкерлік ортаны жақсарту бағытында кең ауқымды жұмыстар атқарылады. 2011 жылы 1115 лицензия мен рұқсат алу керек болса, қазір олардың саны 315. 72% қысқарта алдық. Мұндай оңтайландырудың нәтижесінде бизнес жыл сайынғы қаржылай шығындарын 1,5 млрд теңгеге азайтты», - дейді Қазақстан кәсіпкерлері құқықтарын қорғау жөніндегі уәкіл Болат Палымбетов.

Мемлекет тарапынан кәсіпкерлерге зор қолдау бар. Мемлекеттік сатып алулардың үштен бірі бүгінде электронды форматқа көшірілген.

«Былтыр СҚО-да шағын және орта бизнес нысандарын тексеру 30% дейін қысқартылды. Биыл тексерулер тағы 10% кемиді. Бұл жұмыстар өз нәтижесін беріп жатыр. Соңғы бизнесті жүргізу жеңілдігін айқындау рейтингінде СҚО 5-орынға тұрақтады. Ал Петропавл қаласы ел бойынша 196 елді мекеннің ішінде 6-орында тұр. Осы бағыттағы жұмыстар жалғасын табады», - деді СҚО әкімінің орынбасары Дәурен Жандарбек.



Соған қарамастан республика бойынша бизнесте жүйелі түрде кездесетін мәселелер баршылық. Олар бірыңғай реестрге енгізілген. Мұндағы 612 мәселенің 454-і бүгінде шешімін тапты, 46-сы шешілуге жақын. 112-сі мемлекеттік органдармен бірге талқыланып жатыр. Жүйелі мәселелердің шешімі жол карталарында да қаралған. Бүгінде бұл құжаттарға Бас прокуратура, Сыбайлас жемқорлыққа қарсы іс-қимыл агенттіктері қол қойды. Кездесу қорытындысы бойынша екі тарап кәсіпкерлік қызметті қолдау жөніндегі жол картасын бекітіп, қол қойды.

«Жол картасында бизнес жүргізу үшін қажетті жер учаскелерін анықтап, оны аукционға қою, жер учаскелерінің мақсатты қолданылуын анықтайтын жұмыс тобын құру сияқты мәселелер енгізілді. Фермерлік шаруашылықтардың субсидия алуына қатысты және кәсіпкерлерді Мемлекеттік энергетикалық реестрге заңсыз енгізу мәселесі де осы жол картасы аясында қарастырылады», - деді СҚО кәсіпкерлер палатасы директорының орынбасары Жеңіс Қазиев.



Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT