+7 (701) 759 90 19
USD 388.70 EUR 428.70
RUB 6.08 CNY 55.46
Jańalyqtar

СҚО-да иісшіл иттер синтетикалық есірткіні анықтауға үйретілді

2019 жылғы 5 қараша 21:01
Бөлісіңіз:
СҚО-да иісшіл иттер синтетикалық есірткіні анықтауға үйретілді

ПЕТРОПАВЛ. ҚазАқпарат – Солтүстік Қазақстан облысында 1 маусымнан 30 қазанға дейін жалғасқан «Көкнәр» жедел-профилактикалық іс-шарасы қорытындыланды, деп хабарлайды ҚазАқпарат тілшісі.

Ұқсас жаңалықтар
Таразда есірткі саудасын насихаттаған 700-ге жуық граффити-жазу өшірілді Есірткі дайындаумен айналысқан топ ұсталды - Жамбыл облысы ШҚО полицейлері 77 келі есірткі тәркіледі

СҚО Полиция департаменті баспасөз қызметінің мәліметінше, тәртіп сақшылары іс-шара аясында көліктерді, тіркеуге алынған контингентті тексеріп, жедел ақпаратпен жұмыс істеді, ғаламторға мониторинг жүргізді.

Жедел-алдын алу іс-шарасы барлық бөлімдер мен ведомстволардың тығыз қарым-қатынаста жұмыс істеуін қажет етеді. Биыл полицейлер ақпарат алмасуға және операцияны жүргізуде өзара көмекке басымдық берді.

«СҚО Полиция департаменті басшысы Марат Төлебаевтың келісімімен есірткі қылмысымен күресетін басқа да мемлекеттік органдармен өзара әрекеттесуді жандандырдық. Ұлттық қауіпсіздік комитеті департаментімен осындай бірлескен іс-шаралардың нәтижесінде 17,5 кг каннабиоидтерді сатқан екі солтүстікқазақстандықты ұстадық», - дейді СҚО ПД есірткі қылмысына қарсы іс-қимыл басқармасының басшысы Жандос Басыбаев.

«Көкнәр» операциясы барысында психобелсенді заттарды сатуға жол бермеу және анықтау баса назарға алынды. Былтыр осындай іс-шара аясында тек 4 дерек тіркелген болса, биыл ірі және аса ірі көлемде есірткі сатудың 13 фактісі анықталды.


«Облыстағы есірткіге қатысты жағдайды талдайтын болсақ, «қара нарықтан» дәстүрлі есірткіні қолдан жасалған синтетикалық психобелсенді заттар ысырған. Осыған орай заңға 5 шілде күні енгізілген өзгертулерге байланысты қолдан жасалған синтетикалық есірткіні таратушылармен күреске басымдық берілді», - делінген баспасөз хабарламасында.

Синтетикалық есірткіні анықтау үшін алғаш рет қызметтік иісшіл иттер қолданылды. Екі ай бұрын кинологиялық қызмет орталығында 3 ит арнайы дайындалды. Жедел-алдын алу іс-шарасына олардың екеуі қолданылып, нәтижесінде тығылған ірі көлемді есірткі анықталды. Қызылжар ауданының күдікке ілінген екі тұрғынының бірін ұстау барысында Буча атты спаниель 700 рет қолдануға бөліп салынған синтетикалық есірткі орамаларын тапты. Белла атты лабрадор Аққайың ауданында есірткі әзірлеп, сатып келген күдіктіні ұстауға көмектесті.

Жалпы операция барысында есірткіге қатысты 61 қылмыс тіркеліп, 321 кг есірткі заттары тәркіленді.

Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT