+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

СҚО-да Есіл өзені арқылы өтетін жаңа көпір пайдалануға берілді

2019 жылғы 18 қараша 13:19
Бөлісіңіз:
СҚО-да Есіл өзені арқылы өтетін жаңа көпір пайдалануға берілді

ПЕТРОПАВЛ. ҚазАқпарат – Солтүстік Қазақстан облысында Есіл өзені арқылы өтетін жаңа автокөлік көпірі пайдалануға беріліп, сол маңдағы тұрғындардың негізгі мәселелерінің бірі шешілді, деп хабарлайды ҚазАқпарат тілшісі.

Көктемде Есіл өзені тасыған кезде ескі көпір су астында қалып, елді мекендердің облыс орталығымен байланысы үзілетін. Жаңа көпір «Новоникольское-Андреевка-Бостандық-Новомихайловка» автожолымен байланысады.

Қызылжар ауданы Новоникольское елді мекенінің маңында салынған көпірдің ұзындығы – 221,5 метр, ені – 8 метр, судан биіктігі – 63 метр. Жоба мемлекеттік-жекешелік әріптестік аясында жүзеге асып, құрылысқа шамамен 4,2 млрд теңге жұмсалды. Құрылысқа «Зенченко и К» командиттік серіктестігі қаржылай үлес қосты.

СҚО әкімдігінің мәліметінше, Новоникольское елді мекенінде ғана қазір 500-ге жуық шаңырақ бар, онда 1,5 мыңдай адам тұрады. Облыстағы ең ірі шаруашылықтардың бірі – «Зенченко и К» командиттік серіктестігі орналасқан. Орта мектеп, балалар бақшасы, спорт сарайы, мәдениет үйі, дәрігерлік амбулатория жұмыс істейді. Елді мекенннің өз қазандығы бар, оған барлық әлеуметтік нысандар және 150 тұрғын үй қосылған.

Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT