+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

СҚО-да экология саласындағы сыбайлас жемқорлық тәуекелдері белгілі болды

2020 жылғы 14 наурыз 17:53
Бөлісіңіз:
СҚО-да экология саласындағы сыбайлас жемқорлық тәуекелдері белгілі болды

ПЕТРОПАВЛ. ҚазАқпарат – Солтүстік Қазақстан облыстық Сыбайлас жемқорлыққа қарсы қызмет орман шаруашылығы және жануарлар дүниесі аумақтық испекциясы мен экология департаментінің сыбайлас жемқорлық тәуекелдеріне сыртқы талдау жүргізді, деп хабарлайды ҚазАқпарат тілшісі.

Ұқсас жаңалықтар
БҚО-да пара алған мемлекеттік қызметшіге 8,8 млн теңге айыппұл салынды СҚО-да браконьерлер қабандарды Калашников автоматтарымен атқан Қызметкердің жемқорлығы үшін басшы қандай жағдайда отставкаға кетеді

ҚР Сыбайлас жемқорлыққа қарсы іс-қимыл агенттігінің СҚО бойынша департамент басшысының бірінші орынбасары Нұрлан Жахиннің айтуынша, әр мекемеде сыбайлас жемқорлық тәуекелдері анықталған.

«Талдау барысында сыбайлас жемқорлықтың алдын алуға бағытталған 16 ұсыныс әзірленді. Экология саласында лауазымды тұлғаға шешімді өз қажетінше қабылдауға мүмкіндік беретін дискрециялық өкілеттіліктің болуы, сынаманы іріктеуде бақылау-қадағалау қызметін жүргізуі, құқық бұзушыны әкімшілік жауапкершіліктен және келтірілген шығын мөлшерінің орнын толтырудан алып кету мүмкіндігі бәрі – сыбайлас жемқорлық тәуекелдері», - дейді Нұрлан Жахин.

Сыбайлас жемқорлыққа қарсы қызмет орман шаруашылығы және жануарлар дүниесі аумақтық испекциясының мемлекеттік инспекторының қызметінен де тәуекелдерді анықтады. Мәселен инспекторлар заңнамалық деңгейде заңсыз ауланған жануарларды алуға, келтірген шығын мөлшерін есептеуге және құқықбұзушыға жаза түрін таңдап, әкімшілік жауапкершілікке тартуға өкілеттігі бар.

Талдауды жүргізу барысында қоршаған ортаға келтірілген шығынның орнын толтыру мәселесі де көтерілді.

Мамандардың айтуынша, өткен жылдың қорытындысы бойынша Экология департаменті келтірілген шығын мөлшерін 58 млн теңгеге есептеген. Оның жартысынан астамы – 30 млн теңгесі әлі қайтарылмаған. Бұл – Петропавл қалалық әкімдігінің «Тазартқыш, су таратқыш және су өткiзгiш ғимараттар» кәсіпорнының қоршаған ортаға келтірген шығыны. Мекеме 2018 жылдың соңында Есіл өзеніне ластайтын заттары бар ағын суды жіберген. Қалалық әкімдікке ведомстволық бағынысты мекеме күшін жою рәсімін алға тартып шығынның орнын толтыруға асығар емес. Құжаттар бойынша олар 2018 жылдың желтоқсанында орындаулары керек еді.

Ведомство жүргізген талдау барысында сондай-ақ жергілікті басқару органдарының лауазымды тұлғаларының жауапкершілікті ескермегендіктері анықталған. Осылайша Бескөл ауылдық округінде белгіленбеген қоқыс орны пайда болған.

«Заңға өзгерістер енгізілді. Енді сіздерге дербес жауапкершілік жүктеледі. Сол себепті біз берген ұсыныстар тек қағаз жүзінде ғана орындалмауы керек. Керісінше сіздер мұны пайдаланып, сыбайлас жемқорлық тәуекелдерін жоюға күш салуларыңыз қажет», - деді Нұрлан Жахин.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Алтынбек Кумарзак
Алтынбек Кумарзак
954-059

MURAǴAT