СҚО-да дүкен мен қойма түгел өртеніп кетті
«25 сәуір күні сағат 22:47-де Солтүстік Қазақстан облысы М.Жұмабаев ауданы Булаево ауылында құрылыс материалдарының қоймасына қосыла салынған «Близнецы» дүкенінің өртеніп жатқаны туралы хабарлама келіп түскен. Өрт дүкеннің 70 шаршы метр аумағын ала таралып, ақыры 430 шаршы метрлік құрылыс материалдары тұрған қойманы шарпыған», - делінген комитеттің хабарламасында.
Өрт осылайша жалпы 500 шаршы метрге жайылып, өрт сөндішулер тілсіз жаумен арпалысып жатқан уақытта 4 оттегі балоны жарылған.
«Өрт сөндіру қызметінің күшімен тілсіз жау түнгі сағат 02.22 кезінде ауыздықталды. Көз жұмғандар немесе жарақат алғандар жоқ. Өрттің шығу себебі қазір анықталу үстінде. Өртті сөндіруге облыстық ТЖД-ның жеке құрамынан 2 адам мен 5 арнайы техника жұмылдырылған», - делінген хабарламада.