+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

СҚО-да бойжеткен ата-анасын ескертпей кетіп, полицейлер оны Алматыдан тапты

2021 жылғы 19 маусым 15:01
Бөлісіңіз:
СҚО-да бойжеткен ата-анасын ескертпей кетіп, полицейлер оны Алматыдан тапты

ПЕТРОПАВЛ. ҚазАқпарат – Солтүстік Қазақстан облысында 21 жастағы бойжеткен ата-анасын ескертпей кетіп қалған, полицейлер оны бір аптадан кейін Алматыдан тапты, - деп хабарлайды ҚазАқпарат тілшісі.

Ұқсас жаңалықтар
Қарқаралы ауданының еріктілері Шайтанкөл жағасын қоқыстан тазартты СҚО студенттерінің АҚШ-та білім алатын мүмкіндігі бар Ресейде құс тұмауының өршуіне байланысты СҚО-да алдын алу жұмыстарын жүргізіліп жатыр

СҚО полиция департаменті баспасөз қызметінің мәліметінше, із-түзсіз жоғалғандарды іздестіру - криминалдық полиция жұмысының бір бағыты. Адамдар түрлі себептермен жоғалады. Тәртіп сақшылардың айтуынша, олар үйден ескертусіз кеткен кезде жақындарын ойламайды.

Ата-анасымен тұратын 21 жастағы қыз үйінен ешкімді ескертпей кетіп қалып, полицейлер мен волонтерлер оны бір апта бойы іздеді. Бойжеткеннің жоғалғаны туралы арыз келіп түскеннен кейін бағдар барлық сыртқы қызметтерге таратылған. Жедел уәкілдер жоғалған қыздың жүруі мүмкін жерлерді, таныстарын тексерді. Нәтижесінде оның Алматыға кеткені белгілі болды.

Қызметтік іссапар кезінде СҚО полиция департаменті криминалдық полиция басқармасының қызметкерлері бойжеткеннің Алматыда жүрген жерін анықтады. Қыздың айтуынша, ол оқу мәселесін шешу үшін кеткен.

«Ата-анасына қызының аман екендігін айттық. Үйден неге ескертпей кеткенін ол айтқан жоқ. Өкінішке қарай, бұндай жағдайлар жиі кездеседі. Іздеу жұмыстарына көп адам тартылады, қаншама уақыт жұмсалады. Ескертусіз кеткен адам жақындарының ойлап, уайымдайтынына мән бермейді немесе өзінің жоспарлары туралы айтуды ұмытып кетеді. Жанжалдан кейін немесе өзін ересек адам ретінде көрсету үшін осындай қадамға баратындар бар», - дейді СҚО полиция департаменті криминалдық полиция басқармасының бастығы Петр Климов.

Жалпы жыл басынан облыста 23 адамға іздеу жарияланды. Қазіргі уақытта оның 17-сінің жүрген жері анықталды.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT