+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

СҚО-да биыл 39 млрд теңгеге автомобиль жолдары жөнделіп жатыр

2020 жылғы 14 тамыз 01:39
Бөлісіңіз:
СҚО-да биыл 39 млрд теңгеге автомобиль жолдары жөнделіп жатыр

ПЕТРОПАВЛ. ҚазАқпарат – Солтүстік Қазақстан облысында биыл 39,1 млрд теңгеге 1 мың шақырымнан астам автожол мен елді мекендердің көшелері жөнге келтірілмек, деп хабарлайды ҚазАқпарат тілшісі.

Ұқсас жаңалықтар
Қазақстанда жол жөндеу саласындағы мамандардың айлығы қандай Медеу мен Шымбұлақ жолының жөндеу жұмыстары қашан аяқталады Қазақстанда 2025 жылға дейін 11 мың шақырым жол жөнделеді

СҚО Жолаушылар көлігі және автомобиль жолдары басқармасы басшысының міндетін атқарушы Мақсат Баяхмет брифинг өткізіп, өңірде осы сала бойынша атқарылып жатқан жұмыстарға есеп берді.

СҚО-да 9 мың шақырымнан астам автожол бар. Ұзындығы бойынша Шығыс Қазақстан және Қостанай облыстарынан кейін үшінші орында. Жолдардың 65 % қазіргі таңда жақсы және қанағаттанарлық деңгейде.

«Былтыр республикалық және жергілікті маңызы бар автожолдарды жөндеуге 30 млрд теңге бөлінді. 676 шақырым жол қалыпқа келтірілді. Жолдардың кей бөлігі күрделі жөнделсе, енді біріне орташа және ағымдағы жұмыстар жүргізілді. Биыл осы мақсатқа 39,1 млрд теңге бөлініп отыр. Оған 1 мың шақырымнан астам автожол мен елді мекендердің көшелері жөнделмек. Соның ішінде «Ауыл - ел бесігі» және «Жұмыспен қамту 2020 жол картасы» бағдарламалары бойынша 8,5 млрд теңгеге 355 шақырым ауылішілік жолдар жөнге келтірілмек», - дейді Мақсат Баяхмет.

Ауқымды жұмыстар М.Жұмабаев, Ғабит Мүсірепов және Қызылжар мен Тимирязев аудандарын қамтымақ.

«Жұмыстар сапалы атқарылып, нысандар мерзімінде тапсырылуы үшін авторлық және техникалық қадағалаумен қатар6 мүдделі ұйымдар заң аясында атқарылған жұмыстарды үнемі бақылап отырады. Жөндеу жұмыстары жүргізіліп жатқан орынға шығып, тексерулер ұйымдастырылады. Ол жұмыстар актілермен бекітілген. Басқарма «Жол активтері ұлттық сапа орталығы» РМК жолды күтіп ұстау және жөндеу сапасын қадағалауды жүйелендіру мақсатында келісім жасады», - дейді басқарма басшысының міндетін атқарушы.

СҚО-да автомобиль жолдарын жөнге келтіру жұмыстары 30 қазанға дейін аяқталуы қажет. Бүгінге дейін 53 пайызы атқарылды.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT