+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

СҚО-да биыл 2,4 млрд теңгеге жаңа медициналық қондырғы алынады

2020 жылғы 17 қаңтар 11:02
Бөлісіңіз:
СҚО-да биыл 2,4 млрд теңгеге жаңа медициналық қондырғы алынады

ПЕТРОПАВЛ. ҚазАқпарат – Солтүстік Қазақстан облысының емдеу мекемелеріне биыл 132 медициналық қондырғы алынады. Алғашқыларының бірі – заманауи МРТ қазір облыстық ауруханаға орнатылып жатыр, деп хабарлайды ҚазАқпарат тілшісі.

Бұл жайында СҚО әкімі Құмар Ақсақалов әкімдіктің отырысында мәлімдеді.

Дүниежүзілік банктің қаражаты есебінен облыстың 13 ауданына ультрадыбыстық зерттеу аппараттары, 3 видеоэндоскопиялық тіреу, 24 ИВЛ аппараты алынбақ. Облыстық перинаталдық орталықта диагностикалық орталық құрылып, қажетті қондырғылармен қамтылады. Жедел жәрдем көлігінің биыл 18-і алынуы тиіс.

Қапзір облыстық ауруханада МРТ орнатылып жатыр, жуық арада іске қосылады.

«Қондырғы жиі істен шығатын, сондықтан адамдар басқа өңірлерге барып, тексерілетін. Тұрғындар 7 күннің ішінде МРТ өтуге мүмкіндік алуы керек. Бірнеше апта күтіп отыруы дұрыс емес. Тексерістерді 2 ауысымда жүргізу керек», - деді Құмар Ақсақалов.

Тағы бір МРТ жылдың соңына дейін онкодиспансерде қойылады. Сондай-ақ бір аптаның ішінде кардиологиялық орталыққа жаңа ангиограф әкелінеді.

СҚО әкімі баспасөз қызметінің хабарлауынша, онкологиялық орталыққа цифрлы маммограф сатып алынды. Қазірің өзінде мыңнан аса зерттеу жасалды. Алғаш рет аудандық ауруханаларға маммографтар сатып алынып, 5 УЗИ аппараты орнатылды.

Биыл өңірдің емдеу мекемелеріне 2,4 млрд теңгеге түрлі 132 қондырғы алынбақшы. Денсаулық сақтау саласын қаржыландыру 48 млрд теңгеге дейін артты. Былтыр 42 млрд теңге жұмсалған болатын.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT