+7 (701) 759 90 19
USD 448.52 EUR 490.32
RUB 5.69 CNY 63.23
Jańalyqtar

СҚО-да балықшылар қауіпті болса да мұз бетіне шығып жүр

2019 жылғы 25 наурыз 10:45
Бөлісіңіз:
СҚО-да балықшылар қауіпті болса да мұз бетіне шығып жүр

ПЕТРОПАВЛ. ҚазАқпарат - Солтүстік Қазақстан облысында құтқарушылар төтенше жұмыс режіміне көшті, деп хабарлайды «ҚазАқпарат» ХАА тілшісі.

Төтенше жағдайлар департаменті баспасөз қызметінің мәліметіне сәйкес, көктемде күннің жылуына байланысты оқыс оқиға болу қаупі артады. Құтқарушылар судағы қауіпсіздік мәселесіне ерекше назар аударады. Әуесқой балықшыларды мұз бетінің жұқарғаны да тоқтата алмай отыр. Демалыс күндері олардың саны өте көп болады.

«Ескертуге қарамастан, ең қауіпті жерлерді таңдайды. Көбінесе құтқару кеудешелерін кимейді және шағын аумаққа көп адам шоғырланып алады», - деп атап өтті баспасөз қызметінде.

Петропавлдағы Есіл өзенінің ең қауіпті аймағы - «Восточный берег» дәмханасынан қалалық жағажайға дейінгі маңай.

Құтқарушылар қар еритін кезде мұздың үстінде жүру қауіпті екенін балықшыларға түсіндірді, судағы оқыс жағдайда қалай әрекет ету керектігін үйретті.

«Біз үшін №1 міндет - адамдардың қауіпсіздігі. Үнемі рейд жүргізіп, балықшылармен сөйлесеміз. Міндетті түрде құтқару кеудешесі болу қажет деп айтамыз», - деді құтқару бөлімшесінің бастығы Сергей Черкасов.

Құтқарушылардың айтуынша, олар үнемі байланыста және тәулік бойы кезекшілік етеді. Есілдегі су деңгейі сәуір айында көтеріледі деп күтілуде. Облыстағы өзен-көлдерде сеңді жару жұмыстары басталып кетті.

Автор: Олеся Жуковень

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT