20:31, 23 Қаңтар 2015 | GMT +6
СҚО-да аяз салдарынан жолдардағы қозғалысқа шектеу қойылды
ПЕТРОПАВЛ. ҚазАқпарат - 23 қаңтар күні Солтүстік Қазақстан облысының күре жолдарында дизельді отынмен жүретін көліктік құралдардың қозғалысына шектеу енгізілді. Бұл туралы СҚО ТЖД-нің баспасөз қызметінен хабарланды.
«Облыста ауаның температурасы түнде 40 градусқа дейін төмендеуіне байланысты 2015 жылдың 23 қаңтарында сағат 22-ден бастап облыс аумағында жалпы қолданыстағы көлік жолдарында дизельді отынмен жүретін жүк және жолаушылар көліктерінің қозғалысына шектеу енгізілді. Жүргізушілерден аталған ақпаратты есепке алып, тәуекелге бел байламауларын сұраймыз», - делінген хабарламада.