21:24, 03 Тамыз 2015 | GMT +6
СҚО-да ауылда жаңа өрт сөндіру бекеті ашылды (ФОТО)
ПЕТРОПАВЛ. ҚазАқпарат - СҚО-ның Мүсірепов ауданында заманауи техникамен жабдықталған өрт сөндіру бекеті ашылды. Бұл туралы облыстық ТЖД-нің баспасөз қызметінен хабарлайды.
«Ғ.Мүсірепов ауданының Бірлік ауылында ауданда ЖШС базасында құрылған бірінші өрт бекетінің ашылу салтанаты болып өтті. «Әліби-Ишим» ЖШС-нің өрт сөндіру бекеті Бірлік және Старобелка ауылдарында өрт қауіпсіздігін сақтап, қамтамасыз етуге бағытталған», - деп ақпараттандырды СҚО ТЖД Ғ.Мүсірепов аудандық ТЖ бөлімінің инженері Шоқан Қалиқайдаров.
СҚО Төтенше жағдайлар департаментінің бастығы Павел Филиппов шара барысында тұрғындардың қауіпсіздігі - бәрінен жоғары екенін атап өтті.
Бекеттің ашылуы ерікті өрт сөндірушілерді қосымша ынталандырып, өртпен тиімді күрес жүргізуге көмектеседі, ауылдағы өрт қызметінің имиджін арттырады.