USD 435.1 EUR 493.27
RUB 5.69 CNY 68.63
Jańalyqtar

СҚО-да ауыл тұрғыны үйінде жарылғыш заттар жасап келген

2021 жылғы 9 маусым 18:55
Бөлісіңіз:
СҚО-да ауыл тұрғыны үйінде жарылғыш заттар жасап келген

ПЕТРОПАВЛ. ҚазАқпарат – Солтүстік Қазақстан облысында 63 жастағы ауыл тұрғынынан полицейлер қолдан жасалған жарылғыш заттарды тапты, деп хабарлайды ҚазАқпарат тілшісі.

Ұқсас жаңалықтар
СҚО-да мектеп автобустарының техникалық жағдайы тексеріліп жатыр Автомат, тапанша, мылтық: Таразда бір күнде 52 қару табылды Петропавлдағы қаңғыбастардың басым бөлігі - тепсе темір үзетін жігіттер

СҚО полиция департаменті баспасөз қызметінің мәліметінше, Шал ақын ауданының орталығы Сергеевкаға Тимирязев ауданының 63 жастағы тұрғыны келген. Ол бос қол келмей, өзімен қару-жарақ ала келген.

Полицейлер ер адамнан пышақ пен жарылғышқа ұқсас тұтатқышы бар металл түтіктерді тәркіледі.

Ауыл тұрғынының үйін тексеру кезінде жарылғыш құрылғыны жасауда қолданылатын заттар, патрондар мен қолдан жасалған екі граната табылды.

Сараптама қолдан жасалған граната түріндегі бұл жарылғыш құрылғылардың жарылу және күйдіру әсері бар жауынгерлік қару-жарақтарға жататынын растады.

«Аталған факті ҚР Қылмыстық кодексінің «Қаруды, оқ-дәрілерді, жарылғыш заттар мен жарылғыш құрылғыларды заңсыз сатып алу, беру, өткізу, сақтау, тасымалдау немесе алып жүру» бабы бойынша сотқа дейінгі тергеп-тексерулердің бірыңғай тізіліміне енгізілді. Қажетті сараптамалар тағайындалды, тергеу амалдары жүргізіліп жатыр», - дейді Шал ақын аудандық полиция бөлімінің басшысы Руслан Мұхамбетжанов.

Шал ақын ауданының соты күдіктіні қамауға алуға санкция берді.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT