+7 (701) 759 90 19
USD 413.12 EUR 452.86
RUB 5.82 CNY 57.92
Jańalyqtar

СҚО-да ат спорты маусымының жабылуы өтті

2019 жылғы 14 қазан 21:01
Бөлісіңіз:
СҚО-да ат спорты маусымының жабылуы өтті

ПЕТРОПАВЛ. ҚазАқпарат – Солтүстік Қазақстан облысы Қызылжар ауданындағы «Құлагер» ипподромында ат спорты маусымының жабылуына арналған мереке өтті, деп хабарлайды ҚазАқпарат тілшісі.

СҚО Дене шынықтыру және спорт басқармасы баспасөз қызметінің мәліметінше, мерекеге орай ипподромда қонақтар сәйгүліктердің түрлі қашықтыққа жарысын, жорға жарысты және 15 шақырымға созылған аламан бәйгені тамашалай алды.

Өңірде ұлттық спорт түрлерін, соның ішінде ат спортын дамыту жақсы жолға қойылған. Облыста бірнеше балалар мен жасөспірімдер спорт мектептері, кәсіби клубтар жұмыс істейді. Жуырда қазақ күресінен құрылған «Қызылжар арландары» клубы ел бойынша үздік үштіктің қатарында. «Тұлпар» клубының шабандоздары республикалық, халықаралық турнирлерде жүлделі орындар алып жүр. Жақында Ақтөбеде өткен республикалық ұлттық спорт түрлері фестивалінде солтүстікқазақстандықтар аламан бәйгеде бас жүлдені жеңіп алды. Бұған дейін турнир кестесінің соңында жүретін құрама биыл жалпы есепте 17 команданың ішінен 5 орынға тұрақтады.

Бұл осы жылғы соңғы жарыс болғандықтан шабандоздар бірнеше қашықтықты еңсеріп, жақсы нәтиже көрсетуі керек. 1,6 шақырымдық майда жарыста Әсет Бекжанов Харикейн Принцесс тұлпарымен бірінші келді. 2,4 шақырымда тағы да Әсет Латрая атты сәйгүлікпен алдына жан салмады. 7 шақырымдық жорға жарыста шабандоз Дмитрий Волков Пан атты желісті жылқысымен алға шықты.

Көрермендер асыға күткен аламан бәйге тартысты өтті. Мұхамедәли Никифоров «Айслинг» атты тұлпарымен бірінші келді.

Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT