+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

СҚО-да Ashyq арқылы карантин талабын бұзған 150-ден астам тұрғын анықталды

2021 жылғы 4 тамыз 20:12
Бөлісіңіз:
СҚО-да Ashyq арқылы карантин талабын бұзған 150-ден астам тұрғын анықталды

ПЕТРОПАВЛ. ҚазАқпарат – Солтүстік Қазақстан облысында Ashyq қосымшасы арқылы «қызыл» және «сары» мәртебемен қоғамдық орындарда жүрген 172 адам анықталды, деп хабарлайды ҚазАқпарат тілшісі.

Ұқсас жаңалықтар
Елімізде коронавируспен ауырғандар саны 875 мыңға жуықтады Коронавирус: Әлемдегі эпидемиологиялық ахуал қандай Жаңа қаулы: Келесі аптадан бастап Түркістан облысында карантин шектеулері жеңілдейді

СҚО санитариялық-эпидемиологиялық бақылау департаменті басшысының міндетін атқарушы Татьяна Горлованың айтуынша, өңірде Ashyq жүйесі жақсы жұмыс істеп тұр. Коронавирусты жұқтырған және ауырған адаммен байланыста болған тұрғын қоғамдық орынға кірген жағдайда, нысан бағдарламаға қосылған болса, бірден көрсетеді.

«Қызыл» мәртебесі бар адамдар – олар ауырғандар. Мұндай тұрғындар вирусты таратпай үйде отырып, ем алулары қажет. Ал «сары» мәртебесі барлар – байланыста болғандар, олар вакцинациялау курсынан өтпеген жағдайда 14 күнге үй карантиніне отырғызылады. Алайда олардың кейбірі жағдайына қарамастан үйреншікті тұрмыс салтын өзгерткісі келмейді. Басқаларға қауіп төндірсе де қоғамдық орындарға барады. Карантин режимін бұзғандар жауапкершілікке тартылады», - дейді Татьяна Горлова.

СҚО-да Ashyq қосымшасы арқылы «қызыл» мәртебесі бар – 96, «сары» мәртебесі бар – 76 адам анықталған. Енді оларға айыппұл салынбақ.

Қазіргі уақытта өңірде 2 мыңнан астам нысан Ashyq бағдарламасы бойынша жұмыс істейді. Олардың 590-ы тестілеуден өтіп жатыр. Жүйеге қосылғандарға бірқатар жеңілдіктер бар.

Бұған дейінСҚО-да 50-ге жуық кәсіпорынның Ashyq-тан шеттетілгенін айтқан едік.



Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT