СҚО-да әр он үшінші оқушы мемлекеттен көмек алады
СҚО әкімінің бірінші орынбасары Марат Тасмағанбетовтың айтуынша, бүгінде мемлекеттен 10,5 мыңнан астам бала немесе оқушылардың 15 %, колледж студенттерінің 467-сі немесе 4 % көмек алады. Мемлекеттік тапсырыс бойынша 8,5 мыңнан астам жас немесе колледж студенттерінің 80 % оқиды. Әлеуметтік осал топқа ататын отбасылардың балалары толық тегін ыстық тамақпен қамтылған.
«2022-2023 оқу жылында 9-сынып түлектері үшін техникалық және кәсіптік орта білім ұйымдарында мемлекеттік тапсырыс 300 орынға ұлғайтылды. Кепілдендірілген әлеуметтік пакетпен 2256 бала қамтамасыз етілді, бұл мақсатқа 95,2 млн теңге жұмсалды», - деді Марат Тасмағанбетов.
Өскелең ұрпақтың сапалы білім алуына, олардың денсаулығы мен қауіпсіздігіне жағдай жасауға, ерекше білім беру қажеттіліктері бар балаларды қолдауға, спорт пен саламатты өмір салтын насихаттауға, сондай-ақ шығармашылықты дамытуға бағытталған іс-шараларды іске асыру жоспары жасалды. Жалпы Балалар жылы аясында жоспарланған іс-шараны жүзеге асыруға 15 млрд теңге бөлінді.
Сондай-ақ, әкім орынбасарының айтуынша, «Жайлы мектеп» жобасы аясында соңғы жылдары облыста 4 жаңа мектеп салынды. Қазіргі уақытта Тайынша қаласында 600 орындық, Вишневка ауылында 120 орындық екі мектептің құрылысы жүріп жатыр.
2025 жылға дейін Петропавлда 3,3 мың бала сыятын тағы 4 мектеп іске қосылады.
«4 жыл ішінде 327 білім беру нысаны жөнделді. Бұл облыс мектептерінің 70 % жаңартуға және 40 мыңнан астам оқушы үшін жайлы және қауіпсіз оқу жағдайын жасауға мүмкіндік берді. Нәтижесінде СҚО сапалы білім беру рейтингісінде екінші орыннан көрінді», - дейді Марат Тасмағанбетов.