СҚО-да «Аңсаған сәби» бағдарламасы бойынша тұңғыш нәресте дүниеге келді
2022 жылғы 10 қаңтар 18:39

СҚО-да «Аңсаған сәби» бағдарламасы бойынша тұңғыш нәресте дүниеге келді

ПЕТРОПАВЛ. ҚазАқпарат – Солтүстік Қазақстан облысында «Аңсаған сәби» бағдарламасы бойынша алғашқы сәби – қыз бала дүниеге келді, деп хабарлайды ҚазАқпарат тілшісі.

СҚО денсаулық сақтау басқармасы баспасөз қызметінің мәліметінше, босанған жас ана 1985 жылы туған, Петропавл тумасы. Қазір жансақтау бөлімшесінде жатыр. Сәбиінің жағдайы жақсы, 3 келі 300 гр салмақпен дүниеге келді.

«Қазіргі уақытта 103 жүкті әйел есепте тұр. Бағдарламаға қатысқан тағы бес әйел нәтижесін күтуде. Жалпы 2021 жылы «Аңсаған сәби» президенттік бағдарламасы бойынша 217 квота бөлінді», - делінген хабарламада.


Ұқсас жаңалықтар
Коронавирусқа қарсы егілген адамдар ауруға төзімді болады - дәрігер
2022 жылғы 9 тамыз 16:14

Коронавирусқа қарсы егілген адамдар ауруға төзімді болады - дәрігер

АЛМАТЫ. ҚазАқпарат – Алматы қалалық қоғамдық денсаулық сақтау басқармасының өкілі Гүлжайнат Тілеген тұрғындарды коронавирустың жаңа штамдарынан қорғану үшін вакцинация мен ревакцинациядан өтуге шақырды, деп хабарлайды ҚазАқпарат тілшісі.

Оның айтуынша, коронавирусқа қарсы екпе алған адамдар ауруға анағұрлым төзімді болады.

«Вакцина алған адам өзін қауіп-қатерден қорғайды және ауруды жеңіл түрде қабылдайды. Зерттеулер коронавирус инфекциясынан қорғаныс вакциналардың алғашқы дозаларын алғаннан кейін, әсіресе әртүрлі штамдардың басым болуына байланысты уақыт өте келе төмендей бастайтынын дәлелдеген. Біз бірнеше короновирус толқынын, жаңа штамдарды бастан өткердік. Көріп отырғанымыздай, вирус әрбір толқында әлсіреп, мутацияға ұшырайды. Екпе алған адамдар анағұрлым ауруға төзімді. Иммунитеттің әлсіреуі екпеден соң 6-12 айдан кейін басталады. Вакцинадан кейінгі иммундық реакцияны күшейту үшін ревакцинация қажет», - деп түсіндірді басқарма өкілі.

Сонымен қатар, ол бүгінгі күні қалада 88 вакцинация пункті жұмыс істейтін атап өтті. Онда 315 адамнан тұратын 99 егу бригадасы бар.

«Бүгінгі таңда препараттың бірінші компонентімен 1 241 540, екінші компонентімен 1 207 511 қала тұрғыны егілді. Pfizer (Comirnaty) вакцинасымен 119 065 адам егілді, оның ішінде 4 684 жүкті әйел, 15 896 бала емізетін ана және 55 045 жасөспірім бар», - деді Гүлжайнат Тілеген.


Павлодар ауруханасында шақалақ шетінеді
2022 жылғы 7 тамыз 23:10

Павлодар ауруханасында шақалақ шетінеді

ПАВЛОДАР. ҚазАқпарат - Павлодар облыстық балалар ауруханасында сәби көз жұмды. Оның ата-анасы дәрігерлер баласын емдегісі келмейтініне шағымданған болатын, деп хабарлайды ҚазАқпарат Pavlodarnews.kz сайтына сілтеме жасап.

Дәрігерлердің айтуынша, баланың жағдайы соңғы күнге дейін ауыр болған.
Баланың көз жұмғаны туралы оның ата-анасы әлеуметтік желіде хабарлады.
Облыстық денсаулық сақтау басқармасы сәбидің өлімін растады. Өлімнің нақты себебін кейінірек жариялайтынын мәлімдеді.
Айта кетейік, нәресте соңғы апталарда Павлодар облыстық балалар ауруханасында жансақтау бөлімінде жатқан болатын. Баланың әкесі дәрігерлердің қосымша тексеруден бас тартқанын, ата-анасын жансақтау бөліміне жібермейтінін, қоңырауларға дөрекі жауап беріп, баланың жағдайы туралы толық мәлімет бермейтінін айтып шағымданған еді.

Облыстық денсаулық сақтау басқармасы нәресте жағдайының ауырлығы тыныс алу жетіспеушілігімен, ауыр неврология симптоматикасымен байланысты болып отырғанын айтқан болатын. Бұл ретте нәресте қажетті ем қабылдап жатқанын жеткізді.

фото ашық дереккөзден алынды.


СҚО-да балалардың инфекциялық бөлімшесі модульдік ауруханаға көшірілді
2022 жылғы 3 тамыз 14:37

СҚО-да балалардың инфекциялық бөлімшесі модульдік ауруханаға көшірілді

ПЕТРОПАВЛ. ҚазАқпарат – Солтүстік Қазақстан облыстық көпсалалы балалар ауруханасындағы инфекциялық бөлімше жаңа модульдік инфекциялық ауруханаға көшірілді, деп хабарлайды ҚазАқпарат тілшісі.

СҚО көпсалалы балалар ауруханасының мәліметінше, қазіргі уақытта бөлімшені және онда ем алып жатқан 40 кішкентай сырқатты көшіру жұмыстары жүргізіліп жатыр. Балалар энтеровирус және түрлі инфекцияларды, баспа ауруын жұқтырған.

Модульдік инфекциялық аурухана ғимаратына көшірілген балалар инфекциялық бөлімшесі 85 сырқатқа шақталмақ. Оның 75-і инфекциялық орындар, қалғаны жансақтау палаталары болады.

Бұған дейін балалар инфекциялық бөлімшесінің қызметін атқарып келген ғимарат ескірген. Ата-аналар тарапынан да нысанның жайсыздығына қатысты көптеген наразылық, өтініш айтылды. Сондықтан да ғимаратты жөндегеннен гөрі, пайдалануға екі жыл бұрын берілген модульдік ауруханаға көшіру тиімді деп шешім қабылданды.

Кезінде коронавирус науқастары үшін салынған Петропавлдағы модульдік аурухана 200 орынға есептелген. Заманауи стандарттарға сай жоғары технологиялық жабдықтармен жабдықталған. Өкпенi жасанды тыныстандыру, УЗИ, рентген аппараттары және компьютерлiк томограф орнатылған.

Жаңа ауруханада науқастарға барлық жағдай жасалған. Әр палатадағы төсек орын оттегiге қосылған.⠀


Jańalyqtar

Үрдіс

MURAǴAT