+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

СҚО-да алты ауыл, бір қаладан карантин режимі алынды

2020 жылғы 2 желтоқсан 17:50
Бөлісіңіз:
СҚО-да алты ауыл, бір қаладан карантин режимі алынды

ПЕТРОПАВЛ. ҚазАқпарат – Солтүстік Қазақстан облысында коронавирус бойынша эпидемиологиялық жағдайдың жақсаруына байланысты алты ауыл мен Мамлютка қаласынан карантин алынды, деп хабарлайды ҚазАқпарат тілшісі.

Ұқсас жаңалықтар
Қазақстанда өткен тәулікте коронавирус пневмониясынан 1 адам қайтыс болды Коронавирус: Британиялық штамм әлдеқайда қауіпті болуы мүмкін Коронавирусқа шалдыққандардың көбі ауыр жағдайда түсіп жатыр – ақтөбелік дәрігер

СҚО Санитариялық-эпидемиологиялық бақылау департаменті баспасөз қызметінің мәліметінше, 1 желтоқсанда облыс аумағында КВИ жұқтырудың 107 жағдайы тіркелген. Бір аптаға жуық бұл көрсеткіш өңірде бір қалыпты ұсталып тұр. Инфекция жұқтырғандардың басым бөлігі – Петропавл тұрғындары.

COVID-19 вирусын жұқтырғандардың артуына байланысты Петропавл қаласынан басқа 5 аудандағы 8 елдімекен карантинге жабылған. Олар: Есіл ауданындағы Николаевка, Петровка елдімекендері, Қызылжар ауданындағы Бескөл ауылы, М.Жұмабаев ауданының орталығы – Булаев қаласы, Тайынша ауданының орталығы – Тайынша қаласы және Уәлиханов ауданының орталығы – Кішкенекөл ауылы.

Ал бұған дейін жабылған алты ауыл, бір қалада карантиндік шектеулердің нәтижесінде эпиджағдай түзеліп, блокпосттар алынды.

«Бұған дейін жабылған Ақжар ауданының Горьковское ауылы, Аққайың ауданының Смирнов ауылы, Есіл ауданының Явленка, Покровка, Чириковка және Корнеевка ауылдары, сондай-ақ Мамлютка қаласы аурудың болмауына байланысты карантиннен алынды», - дейді санитариялық дәрігерлер.

Жалпы облыста 171242 адамға ПТР зерттеу жүргізілді, оның 3,8 % - 6616 науқаста нәтиже оң болды. Бүгінде СҚО-да коронавирусты жұқтырудың 6616 жағдайы тіркелген.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT