+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

СҚО-да алаяқтар әйелдің атына бес банктен 8,5 млн теңге несие алған

2021 жылғы 25 қыркүйек 10:03
Бөлісіңіз:
СҚО-да алаяқтар әйелдің атына бес  банктен 8,5 млн теңге несие алған

ПЕТРОПАВЛ. ҚазАқпарат – Солтүстік Қазақстан облысында полицейлер банк қызметкеріміз деп хабарласып, әйелді 8,5 млн теңгеге тақырға отырғызған алаяқтарды іздестіріп жатыр, деп хабарлайды ҚазАқпарат тілшісі.

Ұқсас жаңалықтар
Қызылордада 16 адамды сан соқтырған алаяқ ұсталды Өскемен тұрғынының 8 млн теңгесін алдап алған «риэлтор» ұсталды

СҚО полиция департаменті баспасөз қызметінің мәліметінше, Петропавл тұрғыны интернет алаяқтардың құрбаны болды. Әйелге белгісіз біреу телефон арқылы хабарласып, өзін банктің қауіпсіздік қызметінің қызметкерімін деп таныстырған. Ол қала тұрғынының атына біреулердің несие ресімдемек болып жатқанын айтып, көмегін ұсынған. Зардап шегушінің айтуынша, хабарласқан адам өте сауатты, банк терминдерін қолданып сөйлескен. Сол себепті әйелде күмән тумай, айтқанын істеген, яғни 2 млн теңгеге несие ресімдеп, оны «қосымша шотқа» аударған. Біраз уақыттан кейін тағы біреуі хабарласып, ол да өзін банк қызметкерімін деп таныстырған. Ол да несие алғызып, оны жаңа шотқа аудартқан. Осылайша бірнеше рет қайталаныпты. Қаскүнемдердің әрекетінен әйел бес банктен 8,5 млн теңге несие алып, шығын шекті. Өзінің алданғанын кеш түсінген қала тұрғыны полицейлерге арызданды.

Бұл дерек «Алаяқтық» бабы бойынша сотқа дейінгі тергеп-тексерудің бірыңғай тізіліміне енгізілді, қазіргі уақытта жедел тергеу іс-шарасы жүргізіліп жатыр.

«Соңғы кезде «банктен қоңырау шалу» интернет-алаяқтығы кең таралған. Қылмыскерлер жұртты телефон арқылы несие алуға мәжбүрлеп, ақшаны белгілі бір шотқа аудартады. Кей жағдайда олар құпия деректерді білуге тырысады. Банк картасының нөмірін, оның артындағы cvv-кодты және sms хабарлама арқылы келетін бір реттік кодты білу жеткілікті. Алаяқтарға жем болмау үшін банк қызметкерлерінің осылайша үйге телефон соқпайтынын естеріңізде сақтаңыздар. Егер есепшотыңызға қатысты қандай да бір күмән туса, бірден банкке барып мән-жайды анықтағаныңыз дұрыс», - дейді СҚО ПД бастығының орынбасары Руслан Назаров.

СҚО-да жыл басынан интернет алаяқтыққа қатысты 499 дерек тіркелді.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT