+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

СҚО-да 771 соғыс ардагері ішкі істер органдарында қызмет атқарған

2021 жылғы 8 мамыр 05:47
Бөлісіңіз:
СҚО-да 771 соғыс ардагері ішкі істер органдарында қызмет атқарған

ПЕТРОПАВЛ. ҚазАқпарат – Петропавлда 100 жастағы Екінші дүниежүзілік соғысының ардагері Никита Семенов полицияның жас офицерлерімен кездесті, деп хабарлайды ҚазАқпарат тілшісі.

Солтүстік Қазақстан облысы полиция департаменті баспасөз қызметінің мәліметінше, Екінші дүниежүзілік соғысындағы Жеңістің 76 жылдығы және Отан қорғаушылар күні қарсаңында департамент музейінде «Ерлік сабағы» өтті. Іс-шараға полицияның жиырма жас қызметкері қатысты.

Жас офицерлермен кездесуге Екінші дүниежүзілік соғысының ардагері Никита Герасимович Семенов, сондай-ақ тыл еңбеккерлері Владимир Терентьевич Ипполитов пен Валентина Ивановна Волкова келді. Олардың әрқайсысы соғыстың тауқыметін бастан кешірген және бейбіт өмірде ішкі істер органдарында қызмет еткен.

Майдангер Никита Семенов жиналғандармен өзінің естеліктерімен бөлісті. Соғыста Никита Герасимович мерген болған. Елге келгесін ол 20 жылдан астам уақыт милицияда еңбек етті.

Іс-шара барысында СҚО ПД мәдениет орталығы әскери тақырыптағы әндер шырқады. Шақырылған қонақтарға сыйлықтар табыс етілді. Сонымен қатар, Екінші дүниежүзілік соғысының солтүстікқазақстандық ардагерлері туралы фильмі көрсетілді.

Екінші дүниежүзілік соғысында болған 771 майдангер бейбіт өмір туысымен СҚО-ның ішкі істер органдарында еңбек етті. Бүгінде олардың екеуінің ғана көзі тірі. Ұлы Жеңістің 76 жылдығын Никита Герасимович Семенов пен Григорий Иванович Красильников атап өтеді. Мейрамда жылдағы дәстүр бойынша олардың әрқайсысын СҚО ПД бастығы Марат Төлебаев өзі барып, құттықтайды.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT