+7 (701) 759 90 19
USD 426.01 EUR 493.75
RUB 6.05 CNY 66.62
Jańalyqtar

СҚО-да 51 адамның атына заңсыз несие ресімдеген шымкенттік сотталды

2021 жылғы 14 қазан 14:48
Бөлісіңіз:
СҚО-да 51 адамның атына заңсыз несие ресімдеген шымкенттік сотталды

ПЕТРОПАВЛ. ҚазАқпарат – Солтүстік Қазақстан облысында биыл 541 интернет алаяқтық қылмысы жасалды, бұл өткен жылдың осы кезеңімен салыстырғанда шамамен екі есеге көп, деп хабарлайды ҚазАқпарат тілшісі.

Ұқсас жаңалықтар
Қарағандыда алаяқ әйел шетелдік азаматтарды 7 миллион теңгеге алдаған Мақтааралда бойжеткен ақшаңды көбейтіп беремін деп алдап, 8 млн теңгені қалтаға басқан Атырауда жыл басынан бері интернет алаяқтықтың 550 дерегі тіркелген

СҚО өңірлік коммуникациялар қызметінде «Алаяқтықтың заманауи түрлері» тақырыбында брифинг өтті. СҚО ПД криминалдық полиция басқармасының бастығы Марат Жұмалиевтің айтуынша, биылғы 9 айда 541 интернет алаяқтық тіркелді, былтыр осы кезеңде 294 қылмыс жасалған.

«Әдетте, мұндай жағдайлардың барлығында қылмыскерлер біздің республикамыздың басқа аймақтарында немесе көрші мемлекеттерде тұрады. Биыл тіркелген фактілердің 130 жағдайында күдіктілер еліміздің басқа өңірлерінде, ал 172 жағдайда басқа елдерде болған. Интернет алаяқтық республиканың барлық аумағында өскен және жыл сайын іс жүзінде 2 есеге көбейіп отыр. Негізгі болжамды себептер интернет желісінде сауда-саттықтың дамуы, қолма-қол төлемнен халықтың бас тартуы, сондай-ақ халықтың ақпараттық сауатсыздығы», - дейді Марат Жұмалиев.

Өңірде негізінен банк қызметкері болып қоңырау шалу, танымал жарнама сайттарында тауарларға тапсырыс қабылдау, қысқа уақыт ішінде қаражатты көбейтуге уәде беру секілді алаяқтық кең тараған. Фейктік хабарламаларды анықтау мақсатында интернет кеңестігіне мониторинг жүргізіліп, 1027 хабарлама тексерілген, 91-і бұғатталды. СҚО-ның 88 655 тұрғынына стационарлық және мобильді телефондар арқылы интернет желісіндегі алаяқтық туралы аудиожазба жолданған.

«Алматыда 32 жастағы еш жерде жұмыс істемейтін Қарағанды облысының тумасы ұсталды, ол Олх сайтында автокөліктерге қосалқы бөлшектерді төмен бағамен жеткізу туралы фейк хабарландыру жариялаған. Оның құрығына 40 адам іліккен. Қазіргі уақытта қылмыстық іс сотта қаралып жатыр. Шымкентте интернет желісінде жарияланған құжаттардың фотосуреттерін пайдаланған 32 жастағы ер адам ұсталды, ол адамдарға микроқаржы ұйымдарында онлайн-несие ресімдеген. Алаяқтықтың 51 фактісі анықталды. Қылмыскер 4 жылға бас бостандығынан айырылды», - дейді басқарма басшысы.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059

MURAǴAT