+7 (701) 759 90 19
USD 413.12 EUR 452.86
RUB 5.82 CNY 57.92
Jańalyqtar

СҚО-да 4 адамды көлік қағып кетті

2020 жылғы 21 мамыр 17:26
Бөлісіңіз:
СҚО-да 4 адамды көлік қағып кетті

ПЕТРОПАВЛ. ҚазАқпарат – Петропавл жолдарында адамды көлік қағудың бір күнде екі оқиғасы тіркелді, деп хабарлайды ҚазАқпарат тілшісі.

Солтүстік Қазақстан облыстық Полиция департаменті баспасөз қызметінің мәліметінше, 20 мамыр күні Чайковский көшесінде «Toyota» көлігінің 30 жастағы жүргізушісі Жамбыл көшесіне бұрылып жатып, үш жаяу жүргіншіге жол бермеген. Салдарынан бағдаршамның жасыл түсіне өтіп бара жатқан үш адам – екі әйел мен 3 жасар қызды соққан.

Зардап шеккендер емдеу мекемелеріне жеткізілді. Қазіргі уақытта сот-медициналық сараптама белгіленді. Оның нәтижесі бойынша жиналған материал сотқа жіберілмек. «Toyota» жүргізушісі – Петропавл қаласының тұрғыны жол апатын жасағаны үшін сәуір айында ғана алты айға көлік басқару құқығынан айырылған екен.

Сол күні осы көшеде тағы бір оқиға болды. Сағат 11.00 шамасында «Daimler» автокөлігінің жүргізушісі Астана көшесіне бұрылу барысында Петропавл қаласының 23 жастағы тұрғынын қағып кетті. Зардап шеккен қыз ауруханаға жеткізіліп, медициналық көмек алғаннан кейін үйіне жіберілді. Көлік иесіне хаттама толтырылды.

«Медициналық куәландыру қорытындысы екі жүргізушінің де мас болмағанын көрсетті. Асығу, алаңғасарлық, тәжірибенің аздығы – көлік апатына әкеліп жатады. Әрине адами факторды да ұмытпау керек. Жүргізушілер мен жүргіншілерді жолда жүру ережелерін қатаң сақтауға шақырамыз. Жаз келісімен көлік ағыны көбейді, жолға мотоцикл жүргізушілері, велосипедшілер мен самокат тепкендер шықты. Жақында балалардың демалысы басталады, көшеде балалар көбейеді. Сол себепті көлік жүргізушілерге асқан қырағылық таныту қажет», - дейді СҚО ПД Жергілікті полиция қызметі басқармасының бастығы Айдын Байматов.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT