+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

СҚО-да 265 адам қызылшаға қарсы егілуден бас тартты

2019 жылғы 26 қыркүйек 21:23
Бөлісіңіз:
СҚО-да 265 адам қызылшаға қарсы егілуден бас тартты

ПЕТРОПАВЛ. ҚазАқпарат – Солтүстік Қазақстан облысында тұрғындарға қызылша мен қызамық ауруларына қарсы қосымша екпе жасалып жатыр, деп хабарлайды ҚазАқпарат тілшісі.

Вакцина бұған дейін екпе алғанын қарамастан 20 мен 29 жастағы солтүстікқазақстандықтарға салынып жатыр. Иммундаудан тек 2018 жылдың қарашасынан бастап қызылша, қызамық және паротитке қарсы екпе алғандар және жүкті әйелдер ғана босатылады.

«Республика аумағында қызылшамен ауырғандар санының азаймауына байланысты қосымша иммундау жүргізіліп жатыр. Мәселен СҚО-да жұқпалы аурумен биыл 280 адам ауырған. Қызамықты жұқтырғандар тіркелген жоқ. Қызылшамен ауырғандардың басым бөлігі 20-29 жастағы тұрғындар және екпе алуға әлі уақыты келмеген 1 жасқа дейінгі нәрестелер», - деді облыстық тауарлар мен көрсетілетін қызметтердің сапасы мен қауіпсіздігін бақылау департаментінің баспасөз қызметі.

СҚО денсаулық сақтау басқармасы баспасөз қызметінің мәліметінше, биыл қызылша мен қызамыққа қарсы 51,2 мың дана вакцина сатып алынды. Бұл мақсатқа 14,7 млн теңге жұмсалды. 46,5 мың адамға екпе жасау жоспарланған.

Мамандардың айтуынша, тұрғындардың кейбірі вакцина қойғызуға қарсы. Бірі - діни сеніміне қатысты бас тартса, енді бірі интернетте тараған жағымсыз ақпаратты негізге алған. Осылайша екінші тоқсанда екпеден 265 адам бас тартқан.

Вакцинациялау облыс аудандары мен Петропавл қаласының барлық егу пункттерінде (медициналық ұйымдар, жоғары және орта арнаулы оқу орындары) егуді жүргізуге рұқсат сертификаты бар және оқытылған медицина қызметкерлерімен жүргізілетін болады.

Санитарлық дәрігерлер қызылша мен қызамық көбінесе ауа арқылы таралатын жұқпалы вирустық ауруларға жатады. Қызылша асқынған жағдайда арты бронхитке, пневмонияға ұласып, кератиттер, отиттер, синуситтер, пиелонефриттер болуы мүмкін. Ең ауыр түрінде энцефалит және панэцефалитке апарады, яғни ми зақымданып, оның белгілері тек бір жылдан кейін ғана шыға бастайды.

Қызылша әсіресе, жүкті әйелдерге қауіпті. Жүктіліктің бірінші триместрінде жатыр ішілік қызамық вирусын жұқтырған болса, балада туа біткен ақаулар: жүрек аурулары, көздің зақымдануы, естудің төмендеуі, ақыл-ой дамуының тежелуі пайда болады.

Дәрігерлер қызылшаға және қызамыққа қарсы арнайы емдеудің жоқтығын ескертеді. Бұл жұқпалы аурулардан қорғанудың бірден-бір тиімді тәсілі – екпе алу. Қызылша мен қызамыққа қарсы жоспарлы егу 1 және 6 жастағы балаларға жүргізіледі.

Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT