USD 434.34 EUR 491.93
RUB 5.56 CNY 68.67
Jańalyqtar

СҚО-да 14 қой көлік астына түсіп, қырылды

2021 жылғы 11 қазан 18:46
Бөлісіңіз:
СҚО-да 14 қой көлік астына түсіп, қырылды

ПЕТРОПАВЛ. ҚазАқпарат – Солтүстік Қазақстан облысында көлік жүргізушісі түнгі уақытта автожолдың үстіне шығып кеткен қойлармен соқтығысып, салдарынан 14 мал өлді, деп хабарлайды ҚазАқпарат тілшісі.

Ұқсас жаңалықтар
Астана тұрғынының 2 көлігінде бір нөмір болған Қаңтар оқиғасы: Зардап шеккен көлік иелері қайда хабарласуы керек Алматыда велосипед бағдаршамдары пайда болады

СҚО Полиция департаменті баспасөз қызметінің мәліметінше, оқыс оқиға 11 қазанға қараған түні «Нұр-Сұлтан-Петропавл» автожолының 370 шақырымында, Тайынша ауданы Кременчуг ауылының маңында болған. Көкшетау қаласының 36 жастағы тұрғыны «ВАЗ 2115» автокөлігімен келе жатып, жолға шығып кеткен қойларды кеш байқаған. Салдарынан машина малдарды қағып өтіп, 14 қой өлді. Жүргізуші зардап шеккен жоқ, көлік механикалық зақымдалды.

Жануарлардың иесіне малды жолға шығарғаны үшін әкімшілік хаттама толтырылды.

«Осыған ұқсас жол-көлік оқиғасы қыркүйек айының соңында Есіл ауданының аумағында болған еді. Ол жолы да 14 бас қой қырылды. Полиция қызметкерлері осындай оқиғаларға әкелетін еркін мал жаю фактілерінің алдын алу үшін жұмыстар жүргізеді. Мал айдаушылар да қырағылық таныту керек. Олар жол қозғалысының қатысушылары, сондықтан белгіленген ережелерді сақтау керек. Мал иелері мен бақташылар малдың жолға кенеттен шығуына жол бермеуі керек. Түлікті жол бойымен тәуліктің жарық уақытында ғана айдап өтуге болады. Ал қараңғы уақытта өткізу үшін жақындап келе жатқан автомобильдерге фонарьмен немесе алаумен сигнал беру міндетті», - дейді СҚО ПД ЖПҚ басқармасының бастығы Айдын Байматов.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT