+7 (701) 759 90 19
USD 425.49 EUR 512.84
RUB 5.63 CNY 64.83
Jańalyqtar

СҚО-да 101 жастағы кейуанаға жаңа куәлік үйіне жеткізіліп берді

2020 жылғы 3 шілде 01:22
Бөлісіңіз:
СҚО-да 101 жастағы кейуанаға жаңа куәлік үйіне жеткізіліп берді

ПЕТРОПАВЛ. ҚазАқпарат – Солтүстік Қазақстан облысында жыл басынан 30 мыңға жуық тұрғын жеке куәлік алды, деп хабарлайды ҚазАқпарат тілшісі.

СҚО Полиция департаменті баспасөз қызметінің мәліметінше, биыл өңірдің 700-ге жуық азаматына құжат үйлеріне жеткізілген.

«Мүгедек, жүре алмайтын және егде жастағы тұрғындар үйлерінде құжаттандырылды. Облыстың көші-қон қызметінің мамандары «Азаматтарға арналған үкімет» мемлекеттік корпорациясы» КЕАҚ қызметкерлерімен бірге осы санаттағы азаматтарды құжаттандыру үшін қаланы ғана қамтымай, шалғайдағы ауылдық округтерге де шықты», - дейді СҚО ПД Көші-қон қызметі басқармасының бастығы Талғат Әбілов.

Осындай шалғай елді мекендердің бірі - Уәлиханов ауданындағы Қайрат ауылы. Мамандар 101 жасқа толған Көкіл Жақыповаға құжат тапсыру үшін арнайы келді. Кейуана жеке куәлікті 10 жыл бұрын алған. Бүгінде оның мерзімі аяқталған екен.

Барлығы 2020 жылдың басынан 30 мыңға жуық солтүстікқазақстандық жеке басын куәландыратын құжат алды. Төтенше жағдай режимі аяқталғаннан кейін облыстық көші-қон қызметінің қызметкерлері 9 944 азаматқа жеке куәлік пен паспорт ресімдеген. 600 жуық шетелдік жыл басынан ҚР тұрақты тұруға арналған рұқсат пен ыхтиярхат алған, олардың дені Ресей Федерациясының азаматтары.

Тәртіп сақшыларының айтуынша, төтенше жағдай кезінде құжат мерзімі өткен азаматтар 10 шілдеге дейін құжаттарын ауыстыру қажет.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT