+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

СҚО әкімі шалғай ауылдардың тұрғындарымен кездесті

2020 жылғы 6 шілде 14:57
Бөлісіңіз:
СҚО әкімі шалғай ауылдардың тұрғындарымен кездесті

ПЕТРОПАВЛ. ҚазАқпарат – Солтүстік Қазақстан облысының әкімі Құмар Ақсақалов Уәлиханов және Ақжар аудандарында болып, тұрғындармен кездесті, деп хабарлайды ҚазАқпарат тілшісі.

Ұқсас жаңалықтар
Сайрамда елді мекендер толықтай орталықтандырылған ауыз су жүйесіне қосылған

СҚО әкімі шалғай аудандарға барған сапары жайында әлеуметтік желідегі парақшаласында жазды.

Құмар Ақсақалов Уәлиханов ауданындағы Қайрат және Қулыкөл ауылдарында болып, тұрғындарға ауданның жаңа әкімін – Қайрат Пішенбаевты таныстырды.

Былтыр Уәлиханов ауданында көктемгі су тасқыны кезінде өңір басшысымен кездескен тұрғындар сумен қамту, ұялы телефон байланысын орнату және жолдарды жөнге келтіру мәселелерін көтерген еді. Құмар Ақсақалов ауданның жаңа әкіміне бұл жұмыстардың сапалы атқарылуын қадағалауды тапсырды.

«Биыл Уәлиханов ауданындағы жолдарды жөндеуге 1,1 млрд теңге бөлінген. Бұл – өткен үш жылда осы мақсатқа жұмсалған қаржыдан 2,5 есе артық. Қоғам өкілдерін атқарылып жатқан жұмыстарды бақылауға алуға шақырамын. Жолдар мерзімінде төселіп, жұмыстар сапалы атқарылуы керек», - деп жазды өңір басшысы.

Облыстың шалғай ауылдары – Қайрат пен Қулыкөлден басқа жаңа жол тағы үш учаскеде: Кішкенекөл-Телжан, Көктерек-Тоспа-Жасқайрат және Қаратал ауылдарына дейін салынады. Бұдан басқа Кішкенекөлден Қайратқа дейінгі көлік қатынасына қажет жобалық-сметалық құжаттарды әзірлеу үшін қосымша қаржы бөлінбек. Яғни жол жөндеу жұмыстары келер жылы да жалғасын таппақ.

«Қулыкөл мен Қаратал ауылдарын сумен қамтуға 545,5 млн теңге бөлінді. Нәтижесінде мыңдаған адамның жылдар бойғы таза су мәселесі шешімін табады. Ауылдардағы өмір сүру сапасын жақсарту қажет, мұндағы тұрғындарға жақсы жағдай жасауымыз керек», - деп жазды облыс әкімі әлеуметтік желідегі парақшасында.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT